Bıyl otandyq densaýlyq saqtaý salasynda «Aýyldyq densaýlyq saqtaýdy jańǵyrtý» ulttyq jobasyn iske asyrý bastaldy. Astanada biregeı jabdyqtarmen jaraqtandyrylatyn Ulttyq ǵylymı onkologııalyq ortalyqtyń qurylysy aıaqtalyp keledi. Bul týraly Egemen.kz Úkimettiń baspasóz qyzmetine súıenip habarlaıdy.
«Osy jyly stasıonarlarda 3 mln-ǵa jýyq adam kómek aldy, alǵashqy medısınalyq-sanıtarııalyq kómek jelisi 90 mıllıonnan astam adamdy qabyldady, 360 myńnan astam náreste dúnıege keldi (11 aıdyń qorytyndysy boıynsha), jedel medısınalyq járdem kúshterimen 8 mln shaqyrtý boıynsha kómek kórsetildi.
О́tken jylǵy kórsetkishpen salystyrǵanda 10 aı ishinde halyqtyń jalpy ólim-jitiminiń kórsetkishi 5,7%-ǵa, qan aınalymy júıesi aýrýlarynan ólim-jitim – 6,9%-ǵa, qaterli isikterden – 0,6%-ǵa, tynys alý organdary aýrýlarynan – 4,7%-ǵa, týberkýlezden 22,1%-ǵa tómendedi. 11 aıda náreste ólimi 9,6%-ǵa, ana ólimi 24,4%-ǵa azaıǵan.
Osy jyly densaýlyq saqtaý júıesin qarjylandyrýǵa 2,5 trln teńge bólindi. Ambýlatorııalyq deńgeıdegi shyǵyndar ulǵaıtylyp, jalpy kólemniń 56%-yn qurady. Bul rette medısınalyq ońaltýdy qarjylandyrý 13 esege – 2019 jylǵy 6 mlrd teńgeden 2023 jyly 78,1 mlrd teńgege deıin ulǵaıdy. Jalpy Qazaqstan 2027 jylǵa qaraı medısınaǵa jumsalatyn shyǵystardyń úlesin IJО́-niń 5%-na deıin jetkizý jónindegi maqsatqa jetý úshin senimdi túrde qadam basyp keledi.
Ambýlatorııalyq dári-dármekpen qamtamasyz etý kólemi 2019 jylmen salystyrǵanda 2 eseden astam ulǵaıdy jáne 237 mlrd teńgeni, onyń ishinde orfandyq aýrýlardy emdeý 51,8 mlrd teńgeni qurady. Barlyǵy 3,9 mln pasıent dári-dármekpen qamtamasyz etildi.
Respýblıkanyń 20 medısınalyq uıymynda dárilik zattardyń pasıentke deıin (tańbalaý, kodtaý) jetýin qadaǵalaýǵa múmkindik beretin dárilik zattardy bólýdiń tolyq sıkli iske qosyldy.
Medısınalyq mekemeler úshin 58,8 mlrd teńgege 514 birlik medısınalyq tehnıka satyp alyndy. Medısınalyq uıymdardyń medısınalyq jabdyqtarmen jaraqtandyrylýy 2023 jyly 2022 jylmen salystyrǵanda 2,5%-ǵa ulǵaıyp, 84,15%-ǵa deıin jetti. 2023 jyly kórsetilgen konsýltasııalyq-dıagnostıkalyq qyzmetterdiń sany 2,5 esege artyp, 324 mln-nan asty. Bıyl 1,1 mln adam qymbat dıagnostıkalyq qyzmet túrlerin (KT/MRT) aldy», delingen habarlamada.
Farmasevtıkalyq jáne medısınalyq ónerkásipti damytý baǵytynda da aýqymdy ister atqaryldy. Almaty oblysynda Ońtústik Koreıanyń SGP fırmasymen birlesip shprıster óndirý jobasy iske asyryldy. Almatyda Ońtústik Koreıanyń Samsung Madison kompanııasynyń joǵary jáne saraptamalyq klastarynyń ýltradybystyq stasıonarlyq dıagnostıkalyq júıelerin shyǵarý jolǵa qoıyldy. Mańǵystaý oblysynda estý apparattarynyń óndirisi, Soltústik Qazaqstan oblysynda sáýlelendirgishter men bakterısıdtik aýa resırkýlıatorlarynyń óndirisi, Shymkentte súzgish jartylaı maskalar óndirisi, Qaraǵandyda klapany bar KN95 medısınalyq respırator maskalaryn óndirý jelisi, Jambyl oblysynda qýattylyǵy jylyna 270 mln birlikke deıin bir ret qoldanylatyn sterıldi shprıster óndirisi iske qosyldy.