Áleýmettik jelide belgııalyq otbasy asyrap alǵan 21 jastaǵy Eddı Jan Qazaqstandaǵy týǵan ata-anasyn izdeıtini týraly aqparat taraǵan bolatyn, dep habarlaıdy Egemen.kz.
Oǵan dúnıege kelgende Jánibek degen esim berilgen. Alaıda, qazir Eddı Jan ózin Murat dep atap júr. Murat biraz ýaqyt ózi týǵan jerdi aralap, anasyn izdedi. Endi ol anasyn kórmeıinshe qaıtpaıtynyn aıtady.
Belgili telejúrgizýshi, jýrnalıst Qymbat Dosjan áleýmettik jelide Murattyń oqıǵasyna qatysty jańa derek jarııalady. Onyń sózine qaraǵanda, Murattyń anasyn izdeý kún ótken saıyn qıyndap barady. О́ıtkeni qujat kúıinde de kóp nárse belgisiz. Jýrnalıst "Barmysyń, baýyrym?" redaksııasy bul máseleni jan-jaqty zerttep jatqanyn jetkizdi.
- Jekege túsken hat-qońyraýda san joq. Sońǵy 2 kúnde úndemeı otyrǵanymyzǵa alańdaǵan jandar da kóp, arasynda bizdi jamandaǵandar da joq emes. Biz, "Barmysyń, baýyrym?" habarynyń redaksııasy óz jumysymyzdy bilemiz. Birneshe memlekettik mekemege hat jazyp, resmı málimetter aldyq. Aqparat tapqan saıyn ony jaqsylap zerttemeı, jalaýlatyp jarııalaı salýǵa taǵy bolmaıdy. Bilsizder me, bul jumbaqty sheshken saıyn túıinshegi kerisinshe tastaı túıilip bara jatyr... Perzenthanaǵa jedel járdem arqyly kelgen, qabyldanǵan, bosanǵan, tórt kún tóseginde túnegen kelinshektiń jeke qujat kóshirmesi áli tabylǵan joq. Bar qujattyń qalaı toltyrylǵanyn mine, ádeıi kórsetip otyrmyz. Náreste ómirge kelgendegi málimetti, ıaǵnı 2002 jyldyń qańtarynda dáriger Sovet odaǵynan qalǵan "Pýtevoı lıst grýzovogo avtomobılıa, Talon zakazchıka" degen 1983 jyly ázirlengen blankige túsiniksiz jazýmen jaza salǵan... Qaı jaǵynan kelsek te, resmı qujattarda jazylǵan kelinshektiń aty-jóni ótirik sııaqty... - delingen jýrnalıstiń jazbasynda.
Qymbat Dosjan balanyń anasy bolýy múmkin degen kúdikpen úsh áıeldiń biri DNQ synamasyn tapsyrǵanyn málimdedi.
- Úsh aptalyq zertteý jumysynan shyqqan nátıje: qazir úsh kelinshekke kúdik basym. Keshe "Barmysyń, baýyrym?" habarynyń redaktory Ásel Asqarqyzy sol úsh kelinshektiń birin DNQ test jasaıtyn laboratorııaǵa ertip bardy. Endi nátıjesin kútip otyrmyz. Laboratorııaǵa Jánibek (Murat) te bardy. Ispanııaǵa qaıtqan joq, ázirge Qazaqstanda. Biraq birden aıtaıyq, kóptiń tileýi, bizdiń basty maqsat - sonaý jerden meıirimge shóldep kelgen balanyń anasyn taýyp berý. Keı áıeldiń álemin bilesizder, qıyndyqqa toly. Balasynan bas tartqanda, basqa jol kórmeı, jaqynnan qoldaý tappaı, sondaı sheshimge barýǵa májbúr bolǵan. Sondyqtan týǵan anasyna qatysty aýyr sóz jazbańyzdar. Iá, qatelesken shyǵar, biraq ol da adam. Onyń da quqyǵy bar, - degen avtor.
Sondyqtan eger DNK test nátıjesi boıynsha kelinshek balanyń týǵan anasy bolyp shyqsa, redaksııa ol kelinshektiń fotosyn áleýmettik jeliden de, efırden de kórsetpeıtinin málimdedi. Aty-jónin de atamaı, qupııa saqtamaq.
- Balasymen ǵana tabysady, tanysady. Biz o bastan qupııa bolady dep ýáde berdik, sol sózimizde turamyz. Eger bul kelinshek balanyń týǵan anasy bolmaı shyqsa, zertteý jumysy jalǵasady, - deıdi Qymbyt Dosjan.