Qyzylorda fýtbolynyń túlegi Ashat Taǵybergen bıyl jankúıerlerdi jarqyn jetistikterimen qýantty. Sondaı tarıhı oqıǵalardyń biri onyń Ulttyq qurama sapynda Danııa qaqpasyna soqqan golynyń Eýropada úzdik dep tanylýy, dep jazady Egemen.kz.
Bıyl Qazaqstan quramasy Eýro-24 irikteý kezeńiniń 2 týrynda Danııaǵa qarsy jasyl alańǵa shyqqan edi.
Kezdesýde 3:2 esebi tirkelip, Ulttyq qurama bul oıyndy jeńispen aıaqtady.
Jeńiske jaqyndatqan goldy oıynnyń 86 - mınýtynda qurama kapıtany Ashat Taǵybergen salǵan edi.
ÝEFA-nyń tehnıkalyq qadaǵalaýshy mamandary buǵan deıin qurlyqtyq dodanyń irikteý satysyndaǵy úzdik on goldy anyqtaǵan edi. Olar Ashat Taǵybergenniń alystan soqqan golyn segizinshi orynǵa laıyqty dep tanydy.
Alaıda jankúıerlerdiń daýys berýi boıynsha otandyq fýtbolshynyń goly birinshi orynǵa shyqty.
Ekinshi jáne úshinshi oryndarǵa Albanııa quramasynyń oıynshylary Iаsır Asanı men Krıstıan Aslanıdiń soqqan goldary laıyqty dep baǵalandy.
Aıta keteıik, Ashat Taǵybergen maýsym qorytyndysy boıynsha úzdik gol avtoryna beriletin «Pýshkash» trofeıine de úmitkerler qatarynda bar.