Medısına salasynda tolaıym tabysqa jetken sheteldik mamandar Astana medısına ýnıversıtetinde sheberlik sabaǵyn ótkizdi. On kúnge sozylǵan semınarǵa 700-den astam medısına mamany qatysyp, bilim kókjıegin keńeıtti.
Sheberlik sabaǵyna akýsher jáne gınekologııa, ýrologııa, travmatologııa, psıhıatrııa jáne medısınanyń basqa da baǵyttary boıynsha tanymal jetekshi sarapshylar shaqyrylǵan. Sheteldik sarapshylardyń arasynda Reseı, Izraıl jáne Germanııa sekildi birneshe eldiń ǵalymdary men mamandary boldy.
Astana medısına ýnıversıtetiniń prorektory Merýert Gazalıevanyń aıtýynsha, medısına salasy jyl ótken saıyn damýdyń ústine damyp keledi. Ár jyldary aýrýdyń dıagnostıkalaý, emdeý, aldyn alýdyń jańa tásilderi paıda bolady. Dári-dármektiń de túr-túri shyǵyp jatyr.
– Elimizde eń jańa degen jabdyqtarmen jaraqtandyrylǵan jáne shtatynda qajetti beıindegi mamandary bar klınıkalar sany artyp keledi. Bul eldiń densaýlyq saqtaý salasyn jaqsartýǵa jáne el azamattary úshin sapaly medısınalyq kómekke qol jetkizýdi qamtamasyz etýge umtylysyn kórsetedi. Mamandardyń kásibı deńgeıin arttyrý, klınıkalyq praktıkaǵa ozyq tehnologııalar men emdeý ádisterin engizý maqsatynda osyndaı is-sharany uıymdastyrý týraly sheshim qabyldandy», dedi semınar barysynda sóz sóılegen M. Gazalıeva.
Sheberlik sabaqtary Qalalyq kópbeıindi aýrýhanalardyń, qalalyq psıhıkalyq densaýlyq ortalyǵynyń, akademık Nurlan Batpenov atyndaǵy travmatologııa jáne ortopedııa ǵylymı ortalyǵynyń sondaı-aq Astana qalasynyń emhanalarynyń operasııalyq bloktary men klınıkalyq bazalarynda jalǵasty.
Sheberlik sabaǵyna kelgen medısına mamandary óz beıini boıynsha birneshe operasııaǵa qatysqan. Praktıkalyq jumys klınıkalyq bólimshelerde, anestezıologııa, reanımatologııa jáne qarqyndy terapııa bólimshelerinde ótipti. Sonymen qatar praktıkalyq sabaqtar klınıkalyq bazalardyń operasııalyq blogynda, Astana medısına ýnıversıtetiniń sımýlıasııalyq ortalyǵynda jalǵasqan. Semınar barysynda bilim alýshylarǵa laparoskopııa men gısteroskopııanyń asqynýlaryn, preeklampsııa, eklampsııa, tromboembolııamen aýyratyn naýqastardy baqylaý úlgilerin, sondaı-aq kesir tiliginen keıin paıda bolatyn jaǵdaılardy jáne odan keıingi júktilikti baqylaý tájirıbesin zerdeleýge múmkindik berildi.
Ǵalymdar qatysýshylarmen birge aıaq, jambas, tobyqtyń jáne tizeniń kúrdeli syný jaǵdaılaryn taldady. Sonymen qatar rekonstrýktıvti ýrologııa jáne erler densaýlyǵy medısınasy máseleleri talqylandy. Osy baǵyt boıynsha praktıkalyq master-klasta úrpige jasalatyn mıkrohırýrgııalyq operasııalar, qýyq isiginiń lazerlik rezeksııasy taldandy. Osy kúni Astana medısına ýnıversıtetiniń prorektory medısınalyq kómek kórsetý standarttarynyń turaqty damýy jaǵdaıynda bilim men tájirıbeni taratýda sheberlik sabaqtarynyń mańyzy zor ekenin atap ótti.
– Halyqaralyq sarapshylardy shaqyrý ýnıversıtettiń strategııalyq maqsattaryna qol jetkizý parametrleriniń biri sanalady. Bul qadam bilim alýshylardyń klınıkalyq daıarlyǵyn ınternasıonaldandyrý prosesine, tálimgerlerdiń, oqytýshy-professor quramnyń, dárigerlerdiń, elordanyń praktıkalyq densaýlyq saqtaý salasynyń orta medısına qyzmetkerleriniń biliktiligin arttyrýǵa yqpal etedi, - dep túıindedi M.Gazalıeva.