Kitapqumarlyq – úlken qasıet. Ony oqyrmanǵa syılaıtyn jalǵyz rýhanı shańyraq – kitaphana. Osy rette oblystyq S.Seıfýllın atyndaǵy ortalyq kitaphananyń uıymdastyrýymen «Karnavaldy kitaphana túni – 2023» áleýmettik mádenı is-sharasy ótti.
Kitaphananyń túngi álemin tamashalaýǵa jınalǵan qala turǵyndary tarıhı dastandardaǵy keıipkerlermen tanysty. Uly tulǵalardyń kitaptaǵy beınesin somdaǵan kitaphana qyzmetkerleri oqyrmandy erekshe áserge bóledi. «BookDating» atty kitap keıipkerleriniń defılesi shyǵarmany shynaıy sıpattaı bildi.
О́mirin óleńmen órnektegen jetisýlyq aqyndar Jangeldi Nemerebaı, Azamat Nurmahan, Qalqaman Abdrahman sııasy keppegen óleńderin oqydy. Qalamgerler bir-birine arnap ázil aralas epıgramma jazyp, is-sharanyń shyraıyn kirgizdi.
«Ashyq mıkrofon» aıdarynda bloger, «Bolmys» kitap klýbynyń jetekshisi Shynargúl Ońashbaıdyń qatysýymen kitaphanaǵa jazylý aksııasy ótti. Sonymen qatar «Biblio-darts» alańynda suraq-jaýap oıyndary uıymdastyrylyp, «Dámdi kitaptar» bıblıofýrsheti oqyrmandarǵa kóterińki kóńil kúı syılady. Janǵa jaıly demalys keshinde rýhanı nár beretin kitaptarmen keńinen tanysýǵa múmkindik berildi.
Al «AkterTime» aıdarynda Bıken Rımova atyndaǵy Taldyqorǵan drama teatrynyń ártisteri Ǵalııa Temirbaeva, Abaı Nuǵmanov jáne Aqmaral Tóleýova akterlik tájirıbesimen bólisip, sheberlik saǵatyn ótkizdi. Keshke kelgen oqyrmandar kitaptardan Jetisý ólkesiniń tabıǵaty sýrettelgen «Bıblıogalereıa» kórmesin tamashalap, «Kinopark» kitap jelisindegi kınolardy kórdi. Sondaı-aq jastar «Cover show» karaoke mýzykalyq keshinde án shyrqady.
Rýhanı is-sharaǵa qala turǵyndarymen qatar, zııaly qaýym ókilderi, aqyn-jazýshylar, mádenı mekeme qyzmetkerleri qatysty. Olar kesh sońynda uıymdastyrýshylarǵa qyzyqty demalys úshin alǵysyn aıtty.
Jetisý oblysy