Maqat aýdanynda bastaýysh synyp oqýshylary oqıtyn №2 mektep bar. Munda oqýshylardyń sapaly bilim alýymen birge, ulttyq ónerge sýsyndaýyna kóńil bólinip otyr.
Mektep dırektory Rýslan Baımuqashevtiń aıtýynsha, byltyr qarashada ónerge beıimi bar oqýshylardan ult-aspaptar ansambli qurylǵan. Qazir onyń quramynda 15 oqýshy bar. О́nerli órenderdiń úlkeni – 9, kishisi – 7 jasta. Jaqynda balǵyn ónerpazdar ansambli «Biz – táýelsiz eldiń urpaǵymyz!» atty eseptik konsert berdi.
«Ulttyq ónerge talpynysy keremet oqýshylarǵa qoldaý bildirýdi kózdedik. Sol sebepten, byltyr oblys ákimdiginiń qoldaýymen ult-aspaptar ansamblin qurǵan edik. Osy maqsat úshin mýzykalyq aspaptar satyp alyndy. О́nerli oqýshylarymyzdyń qatary kóbeıip keledi. Oqý jylynyń sońynda 30 oqýshymen taǵy da konsert berýdi josparlap otyrmyz», deıdi Rýslan Baımuqashev.
Ansambl quramyndaǵy oqýshylar túrli aspapty meńgerip alǵan. О́nerpaz oqýshylar dombyra, asataıaq, jetigen, býben, kahon sekildi aspaptarmen qazaq kompozıtorlarynyń án-kúılerin, álem klassıkteriniń týyndylaryn oryndap júr.
Atyraý oblysy