Shymkent qalasynda elimizdiń eń myqty ústel tennısshileri arasynda uıymdastyrylǵan TOP-12 týrnıri óz máresine jetti.
Birden aıta keteıik, Kırıll Gerasımenko, Alan Qurmanǵalıev jáne Záýresh Aqasheva syndy halyqaralyq dodalarda el namysyn qorǵap júrgen saqa sportshylar bul básekeden bosatyldy. Biraq odan jarystyń qyzyǵy esh kemip qalǵan joq. Kerisinshe, ózge sportshylar ózderiniń myqtylyǵyn dáleldeý úshin baryn salyp, týrnırdiń kórigin qyzdyrdy. Ásirese jalyndy jastardyń jeńiske degen qulshynysy qýantty. Nátıjesinde, erler arasynda Aıdos Kenjeǵulov qarsylas shaq keltirmeı, bas júldeni oljalady. Ekinshi oryndy Eskendir Harkı enshilese, Vladıslav Zaharov úshinshi satyǵa taban tiredi.
Al qyzdar saıysynda Janerke Kóshkimbaeva aldyna jan salmaı, altynnan alqa taqty. Anastasııa Lavrova kúmispen kúptelse, Sarvınoz Mirqadyrova qolaǵa qol sozdy.