Jýyrda Qazaqstan Respýblıkasynyń Prezıdenti janyndaǵy Adam quqyqtary jónindegi komıssııa Halyqaralyq kóshi-qon uıymy (HKU) mıssııasynyń Qazaqstandaǵy ókildigimen birlesip, Jambyl jáne Aqtóbe oblystarynda, sondaı-aq Shymkent qalasynda jergilikti atqarýshy organdardyń úkimettik emes uıymdarmen ózara is-qımylyn nyǵaıtý turǵysynda eńbekshi-mıgranttardyń quqyqtaryn qorǵaý tetikterin jetildirýdiń ózekti máselelerine arnalǵan dóńgelek ústelder serııasyn ótkizdi.
Qazaqstan Prezıdenti janyndaǵy Adam quqyqtary jónindegi komıssııa tóraǵasynyń orynbasary Tastemir Ábishevtiń aıtqan oıy dóńgelek ústelge qatysýshylardyń úlken qyzyǵýshylyǵyn týdyrdy.
Komıssııa tóraǵasynyń orynbasary óz sózinde Qazaqstanda adam quqyqtaryn saqtaý máseleleriniń halyqaralyq mindettemeleri turǵysynan ózektiligin, sondaı-aq adam quqyqtaryn qorǵaý tetikterin jetildirýde jáne eńbekshi-mıgranttardyń áleýmettik-ekonomıkalyq, eńbek, azamattyq jáne mádenı quqyqtaryn nyǵaıtýda Memleket basshysy Q.Toqaevtyń Joldaýlaryn esepke alýdyń mańyzdylyǵyn atap ótti.
Budan ári komıssııa tóraǵasynyń orynbasary Qazaqstan Respýblıkasynyń memlekettik saıasatynda kóshi-qon saıasaty onyń mańyzdy strategııalyq baǵyttarynyń biri bolyp tabylatynyn jáne syrtqy kóshi-qon salasynda – etnostyq repatrıasııany (qandastardy) yntalandyrýǵa jáne joǵary bilikti eńbekshi-mıgranttardy tartýǵa, ishki kóshi-qon salasynda – ekonomıkanyń qajettilikterine sáıkes jáne olardaǵy demografııalyq jaǵdaıdy eskere otyryp, halyqty soltústik óńirler boıynsha qonystandyrý problemalaryn sheshýge baǵdarlanǵanyn atap ótti.
Sondaı-aq komıssııa tóraǵasynyń orynbasary Memleket basshysy Q.Toqaev zań ústemdigine jáne bizdiń qoǵamdaǵy quqyqtyq mádenıetti ornatýǵa, Qazaqstan Respýblıkasynyń halyqaralyq mindettemeleri aıasynda árkimniń konstıtýsııalyq quqyqtaryn saqtaýǵa mańyzdy mán beretinin erekshe atap ótti.
Dóńgelek ústel barysynda adam quqyqtary men bostandyqtaryn, onyń ishinde Qazaqstan Respýblıkasynyń Konstıtýsııasymen jáne qoldanystaǵy zańnamasymen kepildendirilgen mıgranttardyń quqyqtaryn iske asyrý, halyqaralyq standarttarǵa sáıkes adam quqyqtaryn qorǵaýdyń ulttyq tetikterin jetildirý máseleleri boıynsha múddeli pikir almasý ótti.
Dóńgelek ústelge qatysýshylardyń baıandamalary men sóılegen sózderinde halyqaralyq quqyq normalaryn ımplementasııalaý, adam quqyqtaryn qorǵaýdyń ulttyq tetikterin jetildirý máseleleri, sondaı-aq Qazaqstanda adam quqyqtaryn sot arqyly jáne sottan tys qorǵaýdy jetildirý máseleleri keńinen qozǵaldy.
Dóńgelek ústelge qatysýshylar Qazaqstan ratıfıkasııalaǵan adam quqyqtary jónindegi halyqaralyq sharttardyń adam quqyqtaryn qorǵaý tetikterin jetildirýdegi jáne adam quqyqtaryn qorǵaýdyń ulttyq júıesin nyǵaıtýdaǵy mańyzdylyǵyn atap ótti.
Ár óńirde ótken dóńgelek ústeldiń ázirlengen usynymdary ýákiletti memlekettik organdarǵa joldanatyn bolady.