Astana qalasy Kólik jáne jol-kólik ınfraqurylymyn damytý basqarmasyna qarasty «City Transportation Systems» JShS aldaǵy mereke kúnderi elordada qoǵamdyq kólikter qalaı jumys isteıtinin aıtty, dep habarlaıdy Egemen.kz.
Kompanııa málimetinshe, 30-31 jeltoqsan kúnderi avtobýstar demalys kúniniń kestesi boıynsha 06:00-den 23:00-ge deıin jumys isteıdi.
1 qańtar tańǵy saǵat 06:00-den 10:00-ge deıin avtobýstardyń 50%-y shyǵady, 10:00-den keıin tolyq kestege sáıkes saǵat 23:00-ge deıin júredi. Al 2 qańtar senbi kúniniń kestesi boıynsha 06:00-den 23:00-ge deıin jumys isteıdi.
3-12 qańtar aralyǵynda qalalyq qoǵamdyq kóliktiń jumysy senbilik keste boıynsha júrgiziledi. 3 qańtardan qala mańy baǵdarlary bekitilgen kestege sáıkes (apta kúnine sáıkes) júredi.