L.N.Gýmılev atyndaǵy Eýrazııa ulttyq ýnıversıtetiniń ǵalymdary Superpave tehnologııasyn óndiriske engizý jumystaryn bastady. Ozyq ádis asfaltbetondy jobalaý kezinde klımattyq faktorlardy, kólik júktemesin, qozǵalys qarqynyn jáne shıkizat sapasyn eskeredi. Nátıjesinde, jol tóseminiń beriktigi qamtamasyz etiledi.
Ýnıversıtet bazasynda elimizdiń qurylys, jol qurylysy sektorynda akkredıttelgen qyzmetterdiń tolyq sıklin qamtamasyz etetin Qazaqstandaǵy alǵashqy qurylys-tehnıkalyq ınjenerlik ortalyq quryldy. Onda sýper asfaltqa arnalǵan ekologııalyq tıimdi tehnologııalar ázirlenedi. Ýnıversıtet ǵalymdary otandyq standarttardy ázirleý kezinde jergilikti óndirýshilerdiń materıaldaryn qoldanady. Búginde asfaltqa arnalǵan arnaıy qospalar daıyndaldy. Ǵalymdar ınnovasııalyq asfaltbetondy óndiriske engizýdiń aldynda onyń úlgilerin zamanaýı jabdyqta synaqtan ótkizedi. Synaq barysynda kólikterdiń uzaqmerzimdi júrý ımmıtasııasy jasalady, ártúrli júktemeler kezinde soraptyń paıda bolýy, jańbyr men qar tárizdi klımattyq jaǵdaılarǵa tózimdiligi tekseriledi.
– Superpave tehnologııasynyń artyqshylyǵy – elimizdiń klımattyq jaǵdaılaryn jáne basqa da erekshelikterin eskeredi. Bıtým qospasy oblystyń erekshelikterine sáıkes jasalady. Biregeı aspaptardyń kómegimen asfalttyń eskirý úrdisi ımıtasııalanatyn synaqtar júrgiziledi. Ýnıversıtet zerthanasynda sátti júzege asyrylyp jatqan Superpave tehnologııasynyń taǵy bir mańyzdy ereksheligi – zerthanada naqty jol ýchaskesine tolyǵymen sáıkes keletin úlgini jasaý. Eger úlgini zerthanada synaý kezinde normalarǵa sáıkes nátıjelerdi kórsetse, dál osyndaı nátıjeler joldy naqty paıdalaný kezinde de qol jetkiziledi. Bzdiń joba ınnovasııalyq jol jáne qurylys materıaldaryn ázirleýde jasyl tehnologııalardy paıdalaný arqyly turaqty damýǵa jol ashady, – dedi ǵylymı joba jetekshisi, ýnıversıtettiń ınnovasııalardy damytý departamentiniń dırektory Ásel Jeksembaeva.
Búginde ýnıversıtettiń ǵylymı zerthanalarynda Eýropa men Azııa ǵalymdary birlese zertteýler júrgizip jatyr. Kollaborasııanyń nátıjesi bul elderde sýper asfalt tehnologııasyn engizýdiń sátti tájirıbesine jol ashýy yqtımal. Bul rette otandyq zertteýshiler sheteldik standarttardy elimizdiń barlyq aımaǵynyń klımattyq erekshelikterine barynsha beıimdeýge basa nazar aýdarady.