Oral qalasynda «Baqytty otbasy» baǵdarlamasy boıynsha 360 páter ıesin tapty. Jańa jyldy jańa páterde qarsy alý baqyty buıyrǵan jandardyń qýanyshyn Batys Qazaqstan oblysynyń ákimi Narıman Tóreǵalıev bólisti.
«Osyndaı turǵyn úılerdiń qurylysy aldaǵy jylda da jalǵasady. Byltyr Úkimet qaýlysymen 2023-2024 jyldarǵa arnalǵan turǵyn úı-kommýnaldyq ınfraqurylymdy jetildirý jóninde tujyrymdama qabyldanǵan bolatyn. Sol qujat aıasynda bıyl biz Oral qalasynda kezekte turǵan 25 otbasyna páter satyp alyp berdik. Oblys kóleminde osyndaı 180 páter alyndy. Keler jyly 290 turǵyn úı men páter alynady, onyń 130-y – Oral qalasynan bolady. Munyń barlyǵy – turǵyn úı kezeginde turǵan muqtaj azamattarǵa memlekettiń qoldaýy», deıdi N.Tóreǵalıev.
«Baqytty otbasy» baǵdarlamasyna I, II top múgedekteri, múmkindigi shekteýli bala baǵyp otyrǵan otbasylar, kópbalaly tolyq emes shańyraqtar jáne jetimder sanatyndaǵy azamattar qatysa alady. Bul keler jyly da jalǵasady. Nesıe jylyna 2 paıyzdyq mólsherlememen 20 jylǵa deıingi merzimge beriledi. Bastapqy jarna – páter qunynyń 10 paıyzy ǵana», deıdi «Otbasy bank» AQ Batys Qazaqstan oblystyq fılıalynyń dırektory Aıda Ipatova.
Dál qazir Oral qalasynda kópqabatty 14 úıdiń qurylysy júrip jatyr. Budan bólek 2024 jyly «Qaladan – aýylǵa» baǵdarlamasy aıasynda aýyldyq eldi mekenderde de turǵyn úı qurylysy bastalady.
Batys Qazaqstan oblysy