2024 jylǵy 1 qańtardan bastap Memleket basshysynyń tapsyrmasyn iske asyrý maqsatynda Qazaqstanda eń tómen jalaqy mólsheri ulǵaıtyldy, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
«Eń tómen jalaqy 70 000 teńgeden 85 000 teńgege deıin ulǵaıtyldy. Eńbek kodeksine sáıkes jumys berýshiler jumyskerlerge eńbekaqyny ETJ-dan tómen bolmaıtyn deńgeıde qamtamasyz etýge mindetti. Nátıjesinde 85 myń teńgege deıin jalaqy alatyn túrli menshik nysanyndaǵy kásiporyndardyń barlyq salalarynda jumys isteıtin 1,8 mln-ǵa jýyq jaldamaly jumyskerdiń, onyń ishinde bıýdjet salasyndaǵy 350 myń qyzmetkerdiń aqshalaı kiristeri ósedi.
Birinshi kezekte ETJ arttyrý «jalaqysy tómen» qyzmetkerlerge qatysty bolady. Ekinshiden, jalaqy deńgeıin belgileý kezinde ETJ kórsetkishin paıdalanatyn jumys berýshiler razrıadaralyq biliktilik júıesin eskere otyryp, qyzmetkerlerdiń basqa sanattarynyń jalaqysyn qaıta qaraıtyn bolady», delingen aqparatta.
Eń tómengi jalaqy eńbek salasyndaǵy eń tómen áleýmettik standart sanalatyndyqtan jyl saıyn bólinetin tıisti qarjy «Respýblıkalyq bıýdjet týraly» zańmen belgilenedi.