3 qańtarǵa qaraǵan túni Qyzyljar aýylynda ornalasqan «Almaz» dúkeniniń mańynda jappaı tóbeles bolyp, saldarynan eki jasóspirim qaıtys boldy, dep jazady Egemen.kz.
Tóbelestiń syrttaı kýágeri bolǵan turǵyndar oqıǵa týraly polısııaǵa shaǵym túsirgen. Shaqyrylǵan jerge jedel jetken quzyrly organdar osy fakti boıynsha Qylmystyq kodekstiń 99 babynyń 2-bóligi 1, 9, 14-tarmaqtary boıynsha qylmystyq is qozǵady. Jasóspirimder arasyndaǵy qaqtyǵystyń sebebin málim qyldy.
«Aldyn ala málimetter boıynsha, 2 qańtarda Instagram jelisinde kámeletke tolmaǵan A. men V. arasynda janjal týyndap, nátıjesinde kámeletke tolmaǵan V. A.-ny kelesi kúni «Almaz» dúkeniniń mańyna kezdesýge shaqyrǵan», delingen Aqtóbe oblysynyń prokýratýrasy taratqan habarlamada.
Túndegi toptyq tóbeles kezinde kámeletke tolmaǵan A. men S. pyshaqtalǵan. Olar aýrýhanaǵa jetkizilse de alǵan jaraqattarynan esin jımaı kóz jumdy.
Is boıynsha prosessýaldyq prokýror taǵaıyndaldy. Tergeý barysy oblys prokýrorynyń jeke baqylaýyna alynatyny aıtyldy.