Sınoptıkterdiń boljamy boıynsha aldaǵy kúnderi el aýmaǵynda aıaz qaıta kúshine enedi. «Qazgıdromet» RMK 6-8 qańtar aralyǵynda aıaz kúshi - 30 gradýsqa jetedi dep boljap otyr, dep jazady Egemen.kz.
Aldaǵy táýlikterde atlantıkalyq sıklon men atmosferalyq frontaldyń áserinen Qazaqstannyń basym bóliginde qar jaýady, ońtústik oblystarda jańbyr men qar aralas jaýyn-shashyn bolady.
6 qańtarda elimizdiń soltústik-batysyna qalyń qar túsedi.
7-8 qańtarda soltústik-batys, soltústik jáne ortalyqta qalyń qar jaýady dep boljanǵan. Respýblıkanyń soltústik jartysynda jaýyn-shashynmen birge kóktaıǵaq, burqasyn bolady. Respýblıka boıynsha tuman túsip, jel kúsheıedi.
«Soltústik-batys antısıklon arqyly sýyq aýa massasy elimizdiń batysynda, soltústik-batysynda, soltústiginde jáne shyǵysynda temperatýranyń kúrt tómendeýine ákeledi. Osylaısha, túnde batysta jáne soltústik-batysta aıaz bolyp, temperatýra - 8-25 gradýsqa deıin tómendeıdi. Al eldiń soltústiginde -5-30 gradýs aıaz bolsa, respýblıkanyń shyǵysynda -5-18 gradýsqa deıin kún sýytady. Ońtústik oblystarda túnde - 5, kúndiz selsıı baǵany + 7 kórsetedi», delingen «Qazgıdromet» RMK habarlamasynda.