«Azamattarǵa arnalǵan úkimet» jyljymaıtyn múlikteri bar Qazaqstan azamattary týraly málimetti usyndy, dep habarlaıdy Egemen.kz.
«Ulttyq aqparattyq tehnologııalar» AQ bergen aqparatqa sáıkes, Qazaqstanda 6 mıllıon 435 myń 175 jeke tulǵanyń jeke menshik quqyǵynda bir turǵyn úıi (páteri nemese jeke úıi) bar.
Qazaqstanda 20 mıllıonnan asa adam turady. Sońǵy sanaq boıynsha, elde 6,6 mıllıon bala bar.
Osylaısha, elimizde jeke baspanasy joq adamdardyń sany shamamen 6,9 mıllıon bolady. Buǵan olarmen birge turatyn, biraq turǵyn úıge ıelik etýde úlesi joq jyljymaıtyn múlik ıeleriniń jubaılary da kiredi.
Elimizde barlyǵy 7 mıllıon 259 myń 231 jyljymaıtyn múlikke quqyq tirkelgen. Olardyń ishinen:
944 myń 849 azamatta 2 jyljymaıtyn múlik bar; 286 myń 502 azamattyń 3 jáne odan da kóp jyljymaıtyn múlki bar; onyń ishinde 1669 azamattyń 10-nan asa jyljymaıtyn múlki bar.Kámeletke tolmaǵandardyń esebinde 91 myń 534 jyljymaıtyn múlik nysany bar ekeni habarlandy.