Soltústik Qazaqstan oblysynda ótken jyly 9 adam turmystyq zorlyq-zombylyq saldarynan qaıtys boldy. 2,5 myńǵa jýyq quqyqbuzýshylyq tirkelip, 618 azamat ákimshilik qamaýǵa alyndy, dep habarlaıdy Egemen.kz khabar.kz arnasyna silteme jasap.
Taǵy 300-den astam buzaqyǵa eskertý jasalyp, jeteýine aıyppul salynǵan. Endi judyryq ala júgiretinderge jaza kúsheıedi.
«Byltyr turmystyq urys-keris saldarynan oblysta 9 adam qaıtys boldy. Onyń beseýi áıel bolsa, qalǵany er azamat. Qaıtys bolǵandardyń ortasha jasy − 30 ben 45 jas aralyǵynda. Qylmystyń kóbi Petropavl qalasynda jasalǵan. Statıstıkaǵa súıensek, otbasylyq janjaldyń shyǵýyna basty sebep jumyssyzdyq jáne turmystyq jaǵdaıdyń tómendigi bolyp otyr», dedi jergilikti polısııa qyzmetiniń aǵa ınspektory Ásııa Ábjanova.