Búginde Aýstralııada tennısten ótip jatqan dúrkin-dúrkin týrnırlerde otandastarymyz jaqsy óner kórsetip jatyr.
Atap aıtqanda, elimizdiń birinshi, álemniń 31-raketkasy Aleksandr Býblık Adelaıde ATP 250 týrnırinde shırek fınalǵa shyqty. Ol alǵashqy kezdesýin dúnıejúzilik reıtıngide 278-orynda turǵan aýstralııalyq Djeıms Makkeıbpen ótkizip, aıqyn basymdyq tanytty – 6:2, 6:3. Al ekinshi matchynda brıtanııalyq Denıel Evanspen jolyǵyp, oıyn taǵdyry úsh sette sheshildi. Sóıtip, 4:6, 6:2, 6:1 esebimen A.Býblık jeńdi.
Sondaı-aq elimizdiń juptyq syndaǵy birinshi, álemniń 46-raketkasy Aleksandr Nedovesov te Adelaıde ATP 250 týrnıriniń shırek fınalyna shyqty. Ol ekvadorlyq Gonsalo Eskobarmen birge ekinshi aınalymda jarystyń 7-raketkalary, ulybrıtanııalyq Lloıd Glasspýl – nıderlandtyq Jan-Jıýlen Roıermen kezdesti. Esep – 6:4, 6:4.
Taǵy bir otandasymyz Beıbit Juqaev Aýstralııa ashyq chempıonatynyń irikteý saıysyn jeńispen bastady. Ol irikteý saıystarynyń shırek fınalynda dúnıejúzilik reıtıngide 511-orynda turǵan aýstralııalyq Nıkolas Kıkerdi 6:1, 6:4 esebimen jeńdi.