Tumaýmen aýyrǵandardyń kóptigi sonshalyq, aldyńǵy kezeńmen salystyrǵanda eki ese artyq eken. О́tken jyldyń qazan aıynan bastap 28 myńǵa jýyq oblys turǵyny jiti respıratorlyq vırýstyq ınfeksııamen aýyrǵan. Onyń jartysynan astamy – balalar.
«Vaksına almaǵan adamdar arasynda tumaýdyń (A3) zerthanalyq rastalǵan 28 jaǵdaıy tirkeldi. Onyń 11-i – 14 jasqa tolmaǵan balalar. Sonymen qatar aımaqta tumaý emes vırýstar bar. Olardyń úlesi zerttelgen 624 synamanyń 34%-yn quraıdy. Rınovırýs –50%, respıratorlyq-sensıtıaldy vırýs – 14% jáne paragrıpp – 9%», dedi oblystyq sanıtarııalyq-epıdemıologııalyq baqylaý departamentiniń basshysy Iýrıı Zalygın.
Tumaý – aýa arqyly taralatyn jedel vırýs. Keıde epıdemııa nemese pandemııa sıpatyn ıelenýi múmkin degendi aıtady medısına mamandary. Bul tumaý pnevmonııa, bronhıt, júrek, búırek, mıdyń jáne basqa aǵzalardyń zaqymdanýyna jáne sozylmaly aýrýmen aýyratyn adamdardyń ólimine ákelip soǵýy da ábden múmkin.
Mamandardyń aıtýynsha, tumaýdyń alǵashqy belgileri aǵzaǵa túsken vırýs bólshekteriniń sanyna, onyń túrine, adamnyń ımmýndyq júıesine baılanysty. Aýrý birneshe saǵattan 2-4 kúnge deıin sozylatyn ınkýbasııalyq kezeńnen bastalady. Dene qyzýy 3-5 kún boıy túspese, aýyrsynýdy basatyn dárilerdi qabyldaǵannan keıin de basylmaıtyn qatty bas aýrýy, sondaı-aq entigý, sananyń buzylýy, gemorragııalyq bórtpeler shyqsa, jedel medısınalyq kómekke júginýi jón eken.
Departament basshysy Iý.Zalygınniń aıtýynsha, balalar, júkti áıelder, sozylmaly aýrýlary bar adamdar, medısına qyzmetkerleri, jabyq mekemelerdiń kontıngenti (balalar úıi, qarttar úıi jáne basqa) – aýyrý yqtımaldyǵy joǵary orta. Sondyqtan birinshi kezekte tumaýǵa qarsy vaksına salý qolǵa alynady.
«Qazirgi ýaqytta táýekel tobyndaǵy adamdardy tumaýǵa qarsy vaksınalaý aıaqtaldy. Oblys turǵyndarynyń 14,5%-y qamtyldy. Tumaýǵa qarsy barlyǵy 176 310 adam, onyń ishinde aqyly negizde jáne jumys berýshilerdiń qarajaty esebinen 3 310 adam ekpe aldy», deıdi Iý.Leonıdovıch.
Ol adam kóp jınalatyn jerlerde, ásirese jabyq úı-jaılarda uzaq bolmaýǵa, ondaı jerlerde betperde taǵýǵa keńes beredi.
«Aýyryp turǵan adammen baılanysty shekteý, jótel etıketin saqtaý, qoldy sabynmen jıi jáne muqııat jýý, bólmede ylǵaldy tazalaý jumystaryn júrgizý, jeldetý, quramynda S dárýmeni bar taǵamdardy múmkindiginshe kóp tutyný qajet. О́zin ózi emdeýden aýlaq bolyp, ýaqtyly medısınalyq kómekke júginý kerek», deıdi vedomstvo basshysy.
Qaraǵandy oblysy