Májilis depýtattary Albert Raý, Ekaterına Smyshlıaeva, Berik Beısenǵalıev jáne Erkin Ábil Qostanaı oblysyndaǵy saılaýshylarmen kezdesý ótkizdi. Olar oblystyń shalǵaı aýyldaryn aralap, halyqpen júzdesip, jeke máseleleri boıynsha azamattardy qabyldady.
A.Raý men E.Smyshlıaeva Rýdnyı qalasyndaǵy «Sokolovskaıa» kenishinde boldy. Kenshilermen áńgimelesý barysynda májilismender qaýipti eńbek jaǵdaıynda jumys isteıtin adamdardy áleýmettik qorǵaý máselelerin qarastyratyn jańa zańǵa toqtaldy.
Májilistiń vıse-spıkeri A.Raýdyń aıtýynsha, endi zııandy óndiriste jumys isteıtin qyzmetker 55 jasqa tolǵanda eńbek shartyn buzýǵa jáne 63 jasta zeınetke shyqqanǵa deıin arnaıy tólemder alýǵa quqyly. Barlyǵy 4 tólem bar, olar ártúrli kózden qarjylandyrylady. Tólemderge tabys salyǵy salynbaıdy.
«О́tken jyly saılaý barysynda «Amanat» partııasynyń kandıdattary sizdermen kezdesken edi, sonda osy suraq qozǵalǵan bolatyn. О́nerkásiptik óndiris qyzmetkerleriniń zeınetkerlik jasy tómendeı me? Búgin biz sizderge jaqsy jańalyqpen kelip otyrmyz. 2024 jyldyń 1 qańtarynan bastap zııandy óndiristegi jumysshylardyń zeınetkerlik jasyn, eger olar budan bylaı bul óndiriste jumys istemese, 55 jasqa deıin qysqartý týraly zań kúshine endi. Iаǵnı olar jumystan shyǵýy nemese jeńilirek jumysqa aýysýy kerek. Sondaı-aq 55 jastan zeınetke shyqqandarǵa arnaıy áleýmettik tólemder tólenedi. Tólemder tórt kózden: respýblıkalyq bıýdjetten, jumys berýshiniń qarajatynan, ómirdi saqtandyrý kompanııasynyń qarajatynan jáne mindetti jarnalar esebinen tólenedi», dedi A.Raý.
Zeınetke shyǵý jáne qajetti tólemderdi alý úshin qyzmetker jumys berýshige 55 jasqa tolýyna baılanysty eńbek shartyn buzatyndyǵy týraly ótinish berýi kerek. Bul rette keminde 7 jyl mindetti kásiptik zeınetaqy jarnalary bolýy qajet.
Jeti kún ishinde jumys berýshi men saqtandyrý kompanııasy Memlekettik korporasııanyń esep aıyrysý shotyna eń tómengi kúnkóris deńgeıin aýdarýǵa tıis. Sol shotqa jınaqtaýshy zeınetaqy qory men respýblıkalyq bıýdjet tólemderi túsedi. Iаǵnı barlyq soma bir kúnde aýdarylady. Barlyǵy tikeleı «Memlekettik korporasııa» KeAQ arqyly tólenetin bolady.
Qyzmetker 63 jasqa tolǵannan keıin zeınetaqy qorynan tólenetin tólemderge bazalyq jáne yntymaqty zeınetaqy qosylady, al respýblıkalyq bıýdjetten, jumys berýshiler men saqtandyrý kompanııalarynan tólemder toqtatylady. Eger qyzmetker ózin jaqsy sezinse, ol óndiriste jumysyn jalǵastyra alady, ony jumystan shyǵarýǵa eshkimniń quqyǵy joq.
«Qyzmetker laıyqty demalysyna nemese kásibin ózgertýge – jeńil jumysqa aýysýǵa múmkindik alady. Osy jasqa arnalǵan birneshe áleýmettik baǵdarlama kómektese alady. Mysaly, «Urpaqtar kelisimi» baǵdarlamasy, eger onyń ornyn aýystyratyn bolashaq qyzmetkerdi oqytý múmkin bolsa jáne «Kúmis ǵasyr» – basqa mamandyqqa qaıta daıarlaý boıynsha memleket jumys ornyn sýbsıdııalaýǵa kómektesedi, al áleýetti qyzmetker barlyq tólemnen basqa aqsha taba alady», dep atap ótti Ekaterına Smyshlıaeva.
Májilis depýtattary jumys sapary barysynda «Kachar Rýda» AQ qyzmetkerlerimen jáne kásipodaq belsendilerimen de kezdesti.
Qostanaı oblysy