Melbýrnde jyldyń alǵashqy «Úlken dýlyǵa» týrnıri – Aýstralııanyń ashyq chempıonaty shymyldyǵyn túrdi.
Alamanda otandasymyz, álemniń úshinshi raketkasy Elena Rybakına alǵashqy aınalymda chehııalyq tennısshi Karolına Plıshkovamen sheberlik baıqasatyny belgili boldy. Karolına álemdik reıtıngte qazir 37-orynda turǵanymen, qaıbir jyldary tizimde kósh bastaǵan, talaı sheberlerdi jarys jolynan yǵystyrǵan tájirıbeli sportshy. Sondyqtan erteńgi oıyndy búkil álemniń tennıs jankúıerleri asyǵa kútip otyr desek, jańsaq aıtqanymyz bolmas.
Erler arasynda el namysyn qorǵap júrgen álemniń 31-raketkasy Aleksandr Býblık te týrnırde tartynyp qalmaıtyny túsinikti. Ol da 16 qańtar kúni kordqa shyǵady. Qarsylasy – reıtıngte 139-satydaǵy úndistandyq Sýmıt Nagal. Býblık qarsylasyn jeńip, týrnırdiń keıingi aınalymdaryna joldama alsa, jalpy reıtıngtiń kósh basyndaǵy tennısshilerdiń birimen kezdesýi ábden múmkin.
Tennıs týrnırlerinde táýir nátıje kórsetip júrgen álemniń 44-raketkasy Anna Danılına bolsa slovakııalyq Vıktorııa Grýnchakovamen, al Iý.Pýtınseva kolýmbııalyq Kamıla Osorıomen dýet bolyp kim myqtyny anyqtaıdy. Al erler arasyndaǵy juptyq synda Aleksandr Nedovesov ekvadorlyq Gonsalo Eskobarmen birge dýet quraıdy. Al Býblık juptyq jarysta serbııalyq Dýshan Laıovıchpen birge óner kórsetedi.