Sınoptıkter 16-18 qańtar aralyǵynda el aýmaǵynda aýa raıy aıazdy bolatynyn málim qyldy, dep jazady Egemen.kz.
«Qazgıdromet» RMK Qazaqstannyń basym bóliginde aıazdy aýa raıy saqtalatynyn jetkizdi.
Tek eldiń batysy men ońtústik-shyǵysynda jaýyn-shashyn, qar jaýyp, aýa raıy turaqsyz bolady. 16-18 qańtar aralyǵynda borandy jel soǵady.
Al ózge óńirlerde aıazdy aýa raıy saqtalady.
«Negizgi temperatýralyq fon Respýblıkamyzdyń soltústiginde, shyǵysynda jáne ortalyǵynda túnde 25-33, kúndiz 15-23 aıaz, ońtústikte jáne ońtústik-shyǵysta túnde 5-15, kúndiz 2-7 aıaz, al batysta túnde 8-18 aıazǵa deıin, kúndiz 3-15 aıazǵa deıin bolady», delingen «Qazgıdromet» RMK habarlamasynda.
Mekemeniń 10 kúndik boljamyn baqsaq, elimizdiń soltústik, shyǵys jáne ortalyǵynda aıazdy temperatýra tek bir aptadan keıin basyla bastaıdy. Temperatýralyq kórsetkish 14-16, 6-9 gradýsqa deıin tómendeıdi.