Qorshaǵan ortany qorǵaýdyń birlesken jobalary

E.Nysanbaev óz sózinde Japonııa qorshaǵan ortany qor­ǵaý jáne ekologııalyq ınnovasııa­lardy engizý salasynda úlken tájirıbesi bar Qazaqstannyń iri ekonomıkalyq áriptesteriniń biri ekenin atap ótti.

Sondaı-aq Qazaqstan tarapy­nyń Ekologııa jáne tabıǵı re­sýrs­tar mınıstrligi men Japo­nııa­nyń Qorshaǵan ortany qorǵaý mı­nıstrligi arasyndaǵy qorsha­ǵan ortany qorǵaý salasyn­daǵy yn­ty­maqtastyq týraly ózara túsi­n­istik týraly memo­ran­dým jo­ba­syn ázirleýi týra­ly aıtyldy. Bul qujat japon tarapynyń qa­ra­ýyna jibe­rildi. Atalǵan me­mo­­ran­dým klımat­tyń ózgerýi, qal­­dyq­tar­dy basqarý, jasyl teh­­no­lo­gııa­lardy damytý jáne bıo­á­r­­­túr­lilikti saqtaý máseleleri bo­­ıyn­sha yntymaqtastyqty kózdeıdi.

Osy oraıda ótken jyldyń sońynda BAÁ Dýbaı qalasynda ótken SOR-28 halyqaralyq Klımattyq forýmynyń alań­darynda «Mıtsýbıshı» kompanııasymen kezdesý ótkizilgenin aıta ketken jón. Sol kezdesý barysynda kompanııa parnıktik gazdar shyǵaryndylaryn azaıtý jáne sińirý maqsatynda jasandy orman ósirý jobasyn tanystyrdy. Onda kómirtekti alý jáne lastaýshy zattardyń deńgeıin tómendetý jónindegi tehnologııa­lar qamtylǵan.

«Osyǵan baılanysty biz atalǵan baǵyttar boıynsha «Mıtsýbıshımen» birlesip joba­lar­dy iske asyrýǵa daıynbyz jáne múddelimiz. Yntymaq­tas­tyǵymyzdyń áleýetin nazar­ǵa ala otyryp, biz otyn túıirshik­terinen, DSP, DVP qurylys taqtalarynan bastap sellıýloza óndirisine deıin óndiristiń ártúrli túrlerin iske qosa otyryp, aǵash pen onyń qaldyqtaryn qaıta óńdeý boıynsha iri ınves­torlardy tartýǵa múddelimiz», dedi E.Nysanbaev R.Kodzýkı myrzaǵa sóılegen sózinde.

Sondaı-aq taraptar janýarlar dúnıesi salasyndaǵy ǵylymı jobalardy, onyń ishinde jabaıy janýarlardy jasandy ósirý jónindegi jobalardy iske asyrý máselelerin talqylady. Kezdesý sońynda taraptar bir-birine alǵys aıtyp, eki eldiń ıgiligi úshin odan ári ózara yntymaqtastyqty nyǵaıtýǵa senim bildirdi.