Jetisý oblysynda Alakól aýdandyq máslıhatynyń depýtaty Dáýren Slıamovty pyshaqtap ketke, dep habarlaıdy Egemen.kz aqparat agenttigi.
Depýtat oqıǵa orynda kóz jumdy. Polısııanyń málimetinshe, 15 qańtar kúni saǵat 15:25-te polısııaǵa Úsharal qalasynda salynyp jatqan nysandardyń birinde alkogoldik mas kúıdegi er adamnyń jumysshylarǵa tısip jatqany týraly habarlama kelip túsken.
Polısııa qyzmetkerleri kelgen soń, kúdikti 24 jastaǵy jergilikti turǵyn jumysshylarǵa arasha túsken 34 jastaǵy er adamǵa pyshaq jaraqatyn salyp, keıin oqıǵa ornynan boı tasalaǵany anyqtaldy. Jábirlenýshi oqıǵa orynda kóz jumdy.
Kóz jumǵan adamnyń Alakól aýdandyq máslıhatynyń depýtaty Dáýren Slıamov ekeni anqytaldy.
- Qońyraý túskennen keıin bes mınýt ishinde oqıǵa ornyna jetken polısııa qyzmetkerleri kúdiktini ustady. Ustalǵan azamat Alakól aýdandyq polısııa bóliminiń ýaqytsha ustaý ızolıatoryna jetkizildi. Fakt boıynsha qylmystyq is qozǵalyp, qajetti saraptamalar taǵaıyndaldy. Tergeý múddesine saı basqa málimetter jarııa etýge jatpaıdy, – delingen Jetisý oblystyq polısııa departamentiniń habarlamasynda.