Iýta shtatynda turatyn Alısanyń shyn esimi - Lázzat. Qaraǵandyda dúnıege kelgen qazaq qyzdy amerıkalyq otbasy asyrap alǵan, dep habarlaıdy Egemen.kz.
Tórt jasyna deıin balalar úıinde tárbıelenip, qazaqy ortada tanymy qalyptasqan búldirshindi Amerıkaǵa alyp ketedi. Lázzat týǵan jerinen alystaǵan soń basynan kóp qıyndyq ótkenin jasyrmady.
- О́zimniń kim ekenimdi túsinbeı óstim, men kimmin degen suraqty kóp qoıdym ózime. Tumannyń ishinde júrgendeı sezindim ózimdi. Meni asyrap alǵandar bir nárseni qaıtalaı beretin. Jetimder úıinde qalǵanyńda ishkeniń iriń, jegeniń jelim bolatyn edi degendi aıta berdi. Qazaqstanda tursań ómiriń nashar bolatyn edi deıtin. О́z elimnen, mádenıetimnen julynyp qalǵandaǵy kúıimdi sezindirmedi. Sózben aıamaı sabady, - deıdi Lázzat «Sheteldegi qazaq balalary» baǵdarlamasyna bergen suhbatynda.
Aýyr synaqty keship, jaqyn degen jandarynan qoldaý tappaǵan Lázzat qorǵanyshty basqalaı sezinýge tyrysqan. Qazir onyń 2 jasar uly bar.
- Bir jigitpen kezdesip júrgenmin, aramyzda sondaı sezim de bolmady. Birde bar, birde joq bolyp ketetin. Sóıtip júrgende qalaı bala kóterip qalǵanymdy bilmedim, - deıdi ol.
Lázzattyń boıyna bitken bala da aralaryndaǵy sezimdi oıatpapty. Amerıkalyq jigit óz jónimen ketken. Lázzat óz ómirin retteı almaı júrgende balanyń ómirin qurtyp alamyn dep oılap, balasyn ashyq túrde asyrap alatyn otbasyǵa bergen. 2 jastaǵy ulynyń ata-anasy qazir ony bıologııalyq anasymen jıi kezdestirip turatyn kórinedi.
Lázzat ózin kishkentaıynan ósirgen adamdardan psıhologııalyq qysym kórgen.
- Uryp-soqqan joq, qol kótergen joq, biraq sózben aıamaı sabady. Aýyr sózben-aq janymdy tilgilep, jaralaǵandaryn ózderi de túsinbegen shyǵar. Olar maǵan emosııalyq turǵydan zorlyq-zombylyq jasady. Sezimderimniń qunyn túsirdi, qorlady. Olardyń túsiniginde "osyǵan da qaıǵyra ma eken" degen kekesin boldy. Meniń basymnan ótip jatqan dúnıeni mańyzdy dep eseptemeı, túkke turǵysyz qyldy, - dedi Lázzat suhbatynda.