«Barmysyń, baýyrym?» habarynyń júrgizýshisi ári redaktory Qymbat Dosjan belgııalyq otbasy asyrap alǵan qazaq balasynyń týǵan anasyn izdeý barysynda kezikken jańa derekterdi jarııalady, dep habarlaıdy Egemen.kz.
Jýrnalıstiń sózine qaraǵanda, Arqalyq qalalyq polısııa basqarmasyna Belgııa azamaty Jannı Eddı Savelevtiń atynan jáne Qazaqstandaǵy zańdy ókili retinde óz atynan sotqa deıingi tergep-tekserý boıynsha aryz berilip, is qozǵalǵan. Alaıda, qylmystyq is qandaı da bir quqyq buzýshylyq quramy bolmaýyna baılanysty qysqartylypty.
«Asyrap alǵan belgııalyq áıel Qazaqstanǵa kelmeı turyp, Jánibek Jumaǵulovtyń sýreti men jeke málimetin elektrondy poshta arqyly alǵanyn málimdedi. Odan bólek, asyrap alǵan adam Arqalyqqa kelgennen keıin bir kisige qomaqty qarjy bergenin de aıtty, - dedi Qymbat Dosjan.
Ol osy oqıǵany zertteý barysynda Arqalyq qalasynyń balalar úıinen 2000-2004 jyldar aralyǵynda 80-nen astam balany sheteldikter asyrap alǵanyn da málimdedi.