Balalar arasyndaǵy farmakorezıstentti epılepsııa – júıke júıesi aýrýlarynyń keń taraǵan túri. Búginde bul dertke em retinde jańa em-dom túrleri qoldanylady. Iаǵnı preparattar, stımýlıatorlar, arnaıy dıeta da ázirlendi. Alaıda epılepsııanyń dárige basylmaıtyn túri bolsa, dárigerler arnaıy operasııa jasaıdy.
О́tken jyly oblystyq balalar klınıkalyq aýrýhanasynda dáp osyndaı 10 operasııa jasalypty. Onyń árqaısysynyń quny 10 mıllıon teńgege jýyq.
Kezbe júıkesine stımýlıator qoıý – eń kúrdeli operasııa. Mundaı operasııany oblystyq klınıkalyq balalar aýrýhanasy dárigerleri 2020 jyldan bastap jasap keledi. Stımýlıator 5 jylǵa ornatylady, odan keıin batareıany aýystyrý qajet.
– Operasııa barysynda eki tilik jasalady. Bireýinen kezbe júıkesi shyǵarylyp, oǵan arnaıy elektrod jalǵanady. Ol ekinshi tilikke deıin sozylyp, keýde qýysyna bekitiledi. Sosyn teriniń astyna apparat salynady. Operasııa kezinde onyń jumysy tekseriledi, – deıdi aýrýhananyń neırohırýrg-dárigeri Rýslan Haýtıev. 2021 jyly tórt naýqasqa, odan keıingi jyly alty balaǵa, bıyl on balaǵa operasııa jasadyq. Josparly operasııanyń quny 9,5 mln teńgeden asady. Muny áleýmettik medısınalyq saqtandyrý qory tóleıdi. Bul – ata-analarǵa qarjylyq kómek qana emes, naýqas balalardyń qalypty ómir súrýi úshin úlken qoldaý.
Stımýlıator ornatylǵan alǵashqy pasıentterdiń biri 14 jastaǵy qaraǵandylyq boldy. Ol eki jasynan epılepsııamen aýyrǵan. Dári-dármekpen júrgizilgen em de talmany basa almaǵan. Qyzdyń anasynyń aıtýynsha, epılepsııalyq ustama táýligine 90 retke deıin qaıtalaǵan sátteri de bolǵan.
«Qyzyma apparat qoıylǵannan beri eki jyldan asa ýaqyt ótti. Qazir ol ózin jaqsy sezinedi. Operasııadan soń 8 aıdan keıin balanyń belsendiligi artqanyn, este saqtaýy men sabaq úlgerimi jaqsarǵanyn ańǵardyq. Qurylǵy ony múldem mazalamaıdy. Operasııaǵa deıin bir aıdaı tekserildik. Stımýlıator qoıǵanymyzǵa esh ókinbeımiz», deıdi naýqastyń anasy.
Qaraǵandy oblysy