Mańǵystaý oblysynyń shekarasyna enetin aýmaqtyń jalpy aýdany 721,940,2365 gektardy, ıaǵnı 722 myń gektarǵa jýyq aýdandy quraıdy. Quzyrly oryndar mamandary bul ýchaskeniń Qazaqstan shekarasyna qandaı da bir ózgerister ákelmeıtindigin jáne elimizdiń sý qory jerleriniń sanatyna jatatyndyǵyn aıtady.
Oblys shekarasy buryn Kaspıı teńiziniń jaǵalaýynda aıaqtalatyn. Osyǵan baılanysty, teńiz jaǵasyndaǵy bastapqy syzyq oblys aýmaǵyna engizildi. Bul ózgeris óńirdiń ekonomıkalyq damýyn qarqyndatyp, onyń ishinde týrızmdi yntalandyrady, jaǵalaýda salynǵan nysandardy zańdastyrý arqyly bıýdjet túsimderin arttyrady. Oblys shekarasy men Kaspıı teńizi akvatorııasynyń bastapqy syzyǵy arasyndaǵy aýmaqty qosý arqyly Mańǵystaý óńiri shekarasyndaǵy ózgeristerdi sıpattaıtyn qaýly jobasy 2023 jylǵy shildede «Ashyq NQA» portalynda jarııalandy. Bul joba Ulttyq kásipkerler palatasy, saraptamalyq keńester jáne sybaılas jemqorlyqqa qarsy ǵylymı saraptamanyń qorytyndylaryn aldy.
Úkimet qaýlysy qabyldanǵannan keıin bul jer ýchaskeleri oblystyń jer rezervine engizilip, Aqtaý qalasynda, Qaraqııa jáne Túpqaraǵan aýdandarynda teńiz jaǵalaýlaryn bólý jumystary júrgiziledi.
Mańǵystaý oblysy