Qylmysker túrmeden shyqsa...

Bul týraly oblystyq PD basshysy Aıdyn Qabyldınov ótken jyly qyrkúıek aıynda ótken brıfıngte málimdegen edi. 1963 jyly týǵan qanisher Valerıı Krıchınevskıı 1998 jyly úıi­nen beımezgil ýaqytta balta alyp shyǵyp, qalanyń Zarechnyı, Meshan ormany, Benzostroı degen shetkergi shaǵyn aýdandarynda júrip, qara nıetin iske asyrǵan. Jalǵyz kele jatqan áıelderdi ańdýmen bolǵan ol qurbanyn baltamen uryp sulatyp, zorlap ári tonap ketip otyrǵan. Qa­nypezerdiń qurbandarynyń ara­synda 20, 40, 60 jastaǵy áıel­der bolǵan. Bir ret tipti 11 ja­sar qyzdy da soqqyǵa jyqqan. Aýyr soqqydan baıǵus bala sol jerde til tartpaı ajal qushqan. Al úlken áıelder basqa tıgen soqqydan tiri qalǵanymen, uzaq ýaqyt zardap shegip júrdi.

V.Krıchınevskııdi ustaǵanda úıi­nen áıelderdiń altyn-kú­mis zattary, ań terisinen tigil­gen­ tondar, tipti qyz balanyń jum­­saq oıynshyǵy da shyqqan. Azǵyn qyzdyń jumsaq oıynshy­ǵy­nan tápishke de tigip alǵan eken. Al qymbat zattardy áıe­line syılaǵan. Osynsha dú­nıe­ni kúıeýiniń qaıdan alyp jat­qa­ny­na áıeli kúdik keltirse kerek edi, biraq ol ózine berilgen «syı­lyqtardy» únsiz qabyldaǵan. Qyl­mystyq is júrgizilgende de áıeli jaýapqa tartylmady. Tek Krıchınevskııdiń ózin sot 1999 jyly 25 jylǵa bas bostan­dyǵynan aıyrdy. Bıyl qańtarda onyń jaza óteý merzimi aıaqtalyp otyr. Ol byltyr 61 jasqa toldy.

Ekinshi qylmyskerdiń esimi – Aleksandr Lıýtov. Ol 1972 jy­ly týǵan. 1999 jyly alǵash sot­talǵanda 27 jasta bolǵan. Mu­nyń da qoldanǵan qarýy – balta. Ol qarańǵy túnde joryqqa shy­ǵyp, jaryq terezeden áıel­diń sul­basy kóringen úılerge syrt­taǵy aǵash­tarǵa miný arqyly túsip otyr­ǵan. Manıak úı ıesi áıeldi al­dymen baltamen uryp taldyryp, zorl­ap, úıdi tonap ketip otyr­ǵan. 1997-1998 jyldary ol al­ty áıelge osylaı shabýyl ja­sap, bireýin óltirgen. Vagon-res­toranda aspaz bolyp istegen bul qani­sherdi eshkim de qandyqol qyl­mysker dep oılamaǵan. Sońǵy qyl­mysyn 1998 jyldyń 19 maýsy­mynda jasaǵan. Túngi saǵat úsh kezinde Balalar úıiniń terezesinen túsken ol aldymen bir tárbıeshini óltirgen. Onyń ashy daýysyn estip kelgen ekinshi tárbıeshiniń aıqaıynan qoryqqan qorqaý qa­shyp úlgergen, alaıda ol sol kúni qolǵa túsedi.

Sottardyń solqyldaqty­ǵy­nan ómir baqı bas bostandyǵynan aıyrýdyń ornyna qanisherge ­20 jyl ǵana jaza berilgen. Al 2016 jyly 17 jyl otyrǵannan ke­ıin ony shartty merzimmen túr­meden de shyǵarady. Biraq Lıý­­tov bostandyqqa shyqqannan ke­ıin taǵy qylmysqa barady, 19 jas­taǵy boıjetkenge shabýyl jasa­ǵan. Bul joly sýdıa Mıhaıl Gýsev oǵan bar bolǵany 3 jyl ǵana jaza ke­sedi. Jasy 50-den jańa ǵana as­qan, psıhıkasy kisi óltirýge qu­mar­typ turatyn qaskóı erteń taǵy bi­reý­diń qanyn moınyna júkte­mesine kim kepil? Ol bıyl sáýirde bostandyqqa shyqqaly otyr.

Petropavl turǵyndarynyń alań­daýynyń basty sebebi osy. Jýrnalısterdiń osy tarap­ta­ǵy suraqtaryna jaýap ber­gen oblystyq polısııa depar­tamentiniń basshysy, polkovnık A.Qabyldınov olardy ty­nyshtandyrýǵa tyrysty. «Mun­daı adamdar qamalǵan jerinen shy­ǵarda qaıda baratynyn, qaı me­kenge turaqtaıtynyn kórse­týge mindetti. Qylmystyq-at­qarý júıesi departamentiniń qyz­met­kerleri bizge bul týraly habar beredi. Sosyn biz jazasyn ótep shyqqandardy únemi baqylaýda ustaımyz», dedi A.Qabyldınov.

Departament basshysynyń aıtýyna qaraǵanda, ýchaskelik po­lı­sııa ınspektory da, jedel ýákil de túzeý mekemesinen shyq­qandardyń júris-turysyn kózden tasa qylmaýǵa tıis. Laıym solaı bolǵaı, áıtpese psıhıkasynda aýytqýy bar mundaılardan qoǵamǵa tóner qaýip orasan.

PETROPAVL