Parlament palatalarynyń birlesken otyrysynan keıin Qorǵanys mınıstri Rýslan Jaqsylyqov jýrnalısterdiń suraǵyna jaýap berdi, dep jazady Egemen.kz.
Rýslan Jaqsylyqovtan Jetisý oblysy Jarkentte ornalasqan áskerı bazada jeltoqsan aıynda Otan aldyndaǵy boryshyn ótep júrgen sarbazdyń ólim sebebi suraldy.
Mınıstr sarbaz ólimine mınıngıt aýrýy sebep bolǵanyn aıtty.
«Birinshiden, marqumnyń otbasyna taǵy da kóńil aıtqym keledi. Bul aýrý – menıngıttiń jyldam ótetin formasy. Bilesiz be, ádette aýrýdyń mundaı formasy tasymaldaýshylarda kezdesedi. О́kinishke qaraı biz jas jigitterdi áskerge shaqyrǵan kezde mindetti analızderdiń tizbesinde menıngıt tasymaldaýshylardy anyqtaıtyn taldaý joq», dedi Rýslan Jaqsylyqov.
Degenmen quzyrly organ áskerge shaqyrylǵan azamattardy mindetti osy taldaýdan ótkizý máselesi josparǵa qoıylyp, endi bolashaq sarbazdar mınıngıtke qarsy tekseristen ótetinin málim etti.
«Osy jaǵdaıdan keıin jas jigitterdi áskerı bólimge kelgen sátte menıngokokk tasymaldaýshylarǵa qarsy 100 paıyz tekserý júrgizý týraly sheshim qabyldadym jáne aqsha bólindi. Eger jigitterde osy aýrýdyń belgileri anyqtalsa, dári-dármektiń kómegimen-aq 5-7 kúnniń ishinde emdeledi. Bolashaqta mundaı bolmaıdy degen sóz. Biraq problema bar. Men ózim de ákemin. Bul onyń otbasy úshin ǵana emes, bárimiz úshin úlken qaıǵy. Qaıǵyryp kóńil aıtamyn, qazaqsha kelgende bul ajal», dedi Qorǵanys mınıstri.