Premer-mınıstrdiń birinshi orynbasary Roman Sklıardyń tóraǵalyǵymen ótken Investısııalardy tartý jónindegi keńes otyrysynda energetıka salasyndaǵy ınvestısııalyq jobalardy iske asyrý barysy qaraldy. Bul týraly Úkimettiń baspasóz qyzmeti habarlady, dep jazady Egemen.kz.
Qazaqstanda ınvestısııalyq jobalardyń jalpyulttyq pýly aıasynda búginde 61 iri jobany júzege asyrý kózdelgen. Onyń ishinde JEK, JEO nysandaryn salý, gaz jáne gıdroelektrostansııalaryn iske qosý qamtylǵan. 2023 jylǵy kórsetkishter ınvestısııa tartý boıynsha jolǵa qoıylǵan jumystardy kórsetetini atap ótildi. Memlekettik organdarǵa ınvestorlarmen ózara is-qımyldy kúsheıtip, jobalardy belgilengen merzimde paıdalanýǵa berýdi qamtamasyz etý tapsyryldy.
Sondaı-aq óńirlerge ınvestısııa tartý máseleleri kóterildi. Máselen, 2023 jyly Jetisýda 52,8 mlrd teńgege josparlanǵan 47 ınvestısııalyq jobanyń barlyǵy iske qosylyp, sonyń arqasynda oblysta 1200-den astam jumys orny ashyldy. Onyń ishinde jalpyulttyq pýl aıasynda 10 iri joba júzege asyryldy. Olardyń qatarynda qýattylyǵy 50 megavatt jel elektr stansasy, ónerkásiptik akkýmýlıatorlar shyǵaratyn zaýyt, mýltımodaldy kólik-logıstıkalyq ortalyq jáne t.b. bar.
Investısııalyq jobalardy iske asyrý máseleleri Investısııalyq shtab otyrystarynda turaqty negizde qaralatyn bolady.