19 qańtarda Qazaqstannyń Ystanbuldaǵy Bas konsýldyǵynyń bastamasymen Bas konsýldardyń beıresmı kezdesýi uıymdastyrylyp, oǵan Qazaqstannyń Túrkııadaǵy Elshisi Erkebulan Sapıev, Túrkııa Syrtqy ister mınıstrliginiń Ystanbuldaǵy ókildiginiń basshysy Elshi Aıshe Sózen Ýslýer, Túrki ınvestısııa qorynyń basshysy Baǵdat Amreev, Ázerbaıjannyń Bas konsýly Narmına Mýstafaeva, Qyrǵyzstannyń Bas konsýly Lıra Sydykova, Majarstannyń Bas konsýly Dr Atılla Pınter, Týrkimenstannyń Bas konsýly Mýhammetnýr Ovezov, Qazaqstannyń Bas konsýly Nýrıddın Amanqul qatysty, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.
Kezdesý barysynda dıplomattar Bas konsýldyqtar deńgeıinde baýyrlas elder arasyndaǵy yntymaqtastyqty odan ári damytý jáne áleýetti ortaq bastamalardy júzege asyrý máselelerin jan-jaqty talqylady.
Túrkııa Syrtqy ister mınıstrliginiń Ystanbuldaǵy ókildiginiń basshysy Elshi Aıshe Sózen Ýslýer Túrki elderi arasyndaǵy yntymaqtastyqty tereńdetý mańyzdylyǵyna toqtalyp ótip, Qazaqstannyń Túrki memleketter uıymynda tóraǵalyq merzimi sheńberinde ótkizilgen atalǵan basqosýdyń ózektiligin atap ótti.
Basqosýǵa qatysqan Túrkııa, Ázerbaıjan, Qyrǵyzstan, Túrkmenstan Majarstan dıplomattary Qazaqstannyń Ystanbuldaǵy Bas konsýldyǵyna uıymdastyrylǵan is-shara úshin alǵys bildirip, túrli baǵyttar boıynsha ózara qarym-qatynastardy damytýǵa daıyn ekendikterin rastady.