Bızneske beıim órender

– Bizdiń basty mindetimiz – jańa zaman ǵylymynyń mol je­tis­­­tikterimen qarýlanǵan, má­de­nı dúnıetanymy, kózqarasy qalyp­tas­qan básekege qabiletti jastardy tárbıeleý. Sapaly bilim berýmen qatar eńbekke baýlý, úıretý asa mańyzdy. Ekonomıka qarqyndy damyǵan qazirgi qoǵamǵa eńbekke tez beıimdelip, ózindik bilim ala alatyn, ózin-ózi tárbıelep, damytýǵa beıim belsendi, shyǵarmashyl jas býyndy qalyptastyrý kerek. Ǵylym men bilimniń, aqparattyq tehnologııalar men tehnıkanyń qazirgi damý dáýirinde kórkem qol­ónerdiń qundylyǵyn damytý, bo­lashaq jastardyń sanasyna sińirý mańyzdy dep sanaımyn. Al jeke tulǵa qalyptastyrýda oqýshy boıyna izgi qasıetterdi sińirýdi kóz­deıtin qolóner jobasynyń róli zor, – deıdi A.Beısenbaeva.

Muǵalim balalardy «Online Shop» jobasymen aınalysýǵa beıim­dep júr. Bul joba eńbek­ke, ma­mandyq tańdaýǵa psıho­logııa­lyq jáne praktıkalyq da­ıyn­dyq jasaý maqsatynda qolǵa alyn­ǵan. Atalǵan joba boıynsha jasalǵan oqýshylardyń qolóner buıymdary @koloner_arshaly ınstagram paraqshasynda jarııalap, satylymǵa qoıylady. Satylǵan buıym­nyń 50 paıyzy oqýshylarǵa, 1 pa­ıyzy qaıyrymdylyqqa, qal­ǵany qajetti zattar alýǵa jum­sa­la­dy. Bul joba oqýshy­lar­ǵa kásibı turǵydan ózi-ózine qolaıly bilim berý keńistigin ja­saýǵa septigin tıgizip jatyr. Ony oqýshylardyń kún sanap art­qan qyzyǵýshylyǵynan, jobaǵa qatysýshylar sanynyń kóbeıýi­nen baıqaýǵa bolady. Tipti keı­biri óziniń shaǵyn kásibin bastap ta úlgergen. Bul sózimizge 7-synyp oqýshysy Ásel Muhamadııarovanyń sheberligin shyńdap, monshaqtan túrli sándi sómkeler jasap, ony ózi ashqan ınstagramdaǵy jeke onlaın dúkeninde satyp jatqany dálel bola alady.

Jumysyna beıjaı qaramaıtyn A.Beısenbaeva óziniń bilimdi de bi­lik­ti, shyǵarmashyl, sheber shá­kirtterimen birge aýdandyq, ob­lys­­tyq, respýblıkalyq kórme-se­mı­nar­lar­ǵa qatysyp, tájirı­besimen bólisip júr. Jaqynda pedagog elordada uıym­dastyrylǵan «Bulaq kórseń kó­zin ash» ashyq esik kúninde mon­shaqtardan buıymdar toqý bo­ıynsha sheberlik sabaǵyn ótkizdi. Ári tájirıbesiniń jańalyǵy men shy­ǵar­ma­shylyq izdenisi úshin «Úzdik kásibı baǵdarshy» atalymyn jeńip alǵan.