Bitimgerlik mıssııasy

Májilis spıkeri Erlan Qo­shanovtyń tóraǵalyǵymen ótken palatalardyń birlesken oty­ry­synda Májilis pen Senat de­pý­tattary Memleket bas­shy­sy­nyń Qazaqstan Qarýly kúsh­­teriniń bitimgershilik kon­tın­gen­tin Birikken Ulttar Uıy­my mıssııalaryna qatysý úshin jiberý týraly usynysyn qara­dy. Memleket basshysynyń Par­la­mentke úndeýin Qorǵanys mı­nıstri Rýslan Jaqsylyqov oqyp berdi.

«Áskerı qyzmetshilerdi beıbitshilik pen qaýipsizdikti qoldaý jónindegi halyqaralyq mindettemelerdi oryndaý úshin BUU bitimgerlik mıssııasyna jiberý Parlamenttiń buryn qabyldaǵan birneshe qaýlysyna sáıkes júrgiziledi. 2014 jyldan bastap 57 Qazaqstan ofı­seri BUU-nyń Batys Saha­ra­daǵy, Kot-d’Ivýardaǵy, Malıd­egi, Ortalyq Afrıka Respýb­lı­kasyndaǵy jáne Lıvandaǵy mıssııalaryna áskerı baıqaý­shy jáne shtabtyq ofıser retin­de qatysty. 2017 jyldan bastap 538 Qazaqstan áskerı qyzmetshisi bitimgershilik bólimshe quramynda «BUU-nyń Lıvandaǵy ýaqytsha kúshteri» mıssııasyna ter tókti. Qazirgi ýaqytta Qazaqstan áskerı­leri BUU-nyń mıssııalarynda: Ba­tys Saharada 6 ofıser, Orta­lyq Afrıka Respýblıkasyn­da 2 ofı­ser, Kongo Demokratııa­lyq Respýblıkasynda 2 ofıser, Lıvanda 9 áskerı qyzmetshi qyzmet etip jatyr.

Uıym basshylyǵy ofıser­lerdiń jaýyngerlik mashyǵyna joǵary baǵa berip, uıymnyń mıs­sııasynda Qazaqstan bitim­ger­shileriniń sanyn ulǵaıtýdy qoldaýǵa daıyn ekenin bil­dirdi. Bizdiń kóptegen ofıser bitimgerlik qyzmetke úles qosqany úshin medalmen marapattalyp, Alǵyshat aldy. Bitimgerlikti qyzmetti qoldaý, janjaldy retteý halyqaralyq qoǵamdastyq nazarynda ekenin atap ótý mańyzdy. Kon­tın­gent­ti mıssııaǵa jiberý halyq­ara­­lyq qaýipsizdikti nyǵaıtýǵa aıtar­lyqtaı úles qosyp, Qazaq­stannyń jahandyq arenadaǵy rólin arttyrýǵa yqpal etedi», dedi R.Jaqsylyqov.

Sala basshysynyń sózine súıensek, Bitimgerlik mıssııasy­na áskerı kontıngent jet­kizý bo­ıynsha básekelestik bar. Osy oraıda Qorǵanys mı­nıstri Qarýly kúshterdi Taıaý Shy­ǵys­taǵy, Ońtústik Sýdan respýblı­ka­syn­daǵy jáne Abeıdegi mıs­sııa­ǵa jiberýdiń mańyzyna toqtaldy.

«Geosaıası shıelenis jaǵ­daıyn­da óńirlik jáne ulttyq qaýip­­sizdikke tónetin syn-qater paıda bolady. Onyń bir bó­ligi áskerı ádis pen den qoıý­dy talap etedi. Áskerdiń daıar­ly­ǵyn odan ári nyǵaıtý jáne qazirgi zamanǵy qaterge qarsy áreket etýde tájirıbe alý má­selesi ózekti. Mıssııaǵa qatysý ás­kerdiń jaýyngerlik daıyn­dy­ǵyn jetildirýge, bitimgershi­lik ope­rasııaǵa tán daǵdyda qol jetkizýge múmkindik beredi. Qarýly kúshter áskerı baıqaýshy, shtabtyq ofıser retinde áskerı qyzmetshilerdi mıssııada suranysqa ıe jaıaý ásker, medısınalyq, barlaý, ınjenerlik bólimsheni bólýge daıyn», dedi R.Jaqsylyqov.

Mınıstrdiń aıtýynsha, Golan bıiktigine rezervtik rota retinde 139 áskerı qyzmetshiden turatyn birinshi derbes kontıngentti tehnıkasymen, qarý-jaraǵymen, múlkimen jiberilmek. Alǵashqy bitimgerler naýryzda jolǵa shyǵady. BUU-men halyqaralyq shart aıasynda taraptardyń min­det­temesi, kontıngenti to­lyq qam­tamasyz etý máselesi aı­qyn­­dalady. Kontıngent pen mú­likti tasymaldaý Qazaqstan ta­ra­py esebinen júzege asyrylady.

Usynysqa sáıkes rezervtegi rota, shtab ofıserleri, áskerı baqylaýshylar jáne mamandan­dyrylǵan bólimsheler sany 430 adamǵa deıingi bitimgershilik kontıngentin myna baǵyttar boıynsha jiberý josparlanǵan: «Golan bıikterindegi BUU-nyń bólýdi baıqaý kúshteri» (UNDOF, Sırııa-Izraıl), «BUU bitimge kelý sharttarynyń oryndalýyn baıqaý jónindegi organy» (UNTSO, Palestına-Izraıl), «BUU-nyń Ońtústik Sýdan Res­pýb­lıkasyndaǵy Mıssııasy» (UNMISS, Ońtústik Sýdan), «BUU-nyń Abeıdegi qaýipsiz­dikti qamtamasyz etý jónindegi ýa­qyt­sha kúshteri» (UNISFA, Sýdan).

BUU-nyń mıssııalaryna qatysý Qazaqstan Qarýly kúsh­terine áskerlerdiń jaýyngerlik mashyqtaryn jetildirý úshin paıdalanylatyn bitimger­shi­lik operasııalarǵa tán qajet­ti jaýyngerlik daǵdylarǵa qol jet­kizýge múmkindik beredi.

Májilistegi Halyqaralyq ister, qorǵanys jáne qaýipsizdik komıtetiniń tóraǵasy Aıgúl Quspan Qazaqstan ózin BUU-nyń jahandyq beıbitshilik pen qaýipsizdikti qamtamasyz etý jónindegi mıssııalarynyń ja­ýap­ty qatysýshysy retinde ta­ny­ta bilgenin, az ýaqytta ha­lyq­aralyq bitimgershilik úderis­terge ozyq po­zı­sııalarǵa ıe bolǵanyn atap ótti.

«Búgingi el Prezıdentiniń usynysy memlekettiń táýelsizdik alǵan alǵashqy kúnderinen bastap júrgizip kele jatqan beıbitshilik pen halyqaralyq qaýipsizdikti nyǵaıtý jónindegi el saıasatynyń sózsiz jalǵasy ekeni anyq», dedi A.Quspan.

Talqylaý qorytyndysy bo­ıynsha Parlament depýtattary Memleket basshysynyń BUU mıssııalaryna qatysý úshin Qazaqstan Respýblıkasy Qarý­ly kúshteriniń bitimgershilik kontıngentin jiberý týraly usynysyn qoldaý týraly sheshim qabyldady.