Eýrazııa ulttyq ýnıversıtetiniń IT mamandary qazaq tiliniń qoldanys aıasyn keńeıtip, tegin sıfrlyq ónimder jasap jatyr. «Qyzyqty onomastıka» jańa mobıldi qosymshasy adam esiminiń, geografııalyq nysandardyń, janýarlar men qustardyń maǵynasy men shyǵý tegin bilýge múmkindik beredi, dep jazady Egemen.kz Ǵylym jáne joǵary bilim mınıstrligine silteme jasap.
«EUÝ IT mamandary qazaq tilinde «Qyzyqty onomastıka» mobıldi qosymshasyn ázirledi. Jańa sıfrlyq ónim 800-den astam jeke ataýlardy biriktiredi. Olar 100-den astam semantıkalyq belgiler boıynsha toptastyrylǵan jáne bul baǵdarlamanyń basty artyqshylyǵyna aınaldy. Mobıldi qosymshany paıdalanýshylarǵa sábıine esim tańdaýǵa nemese óz esiminiń maǵynasyn bilý múmkindigi de usynylǵany» jazylǵan aqparatta.