Nysana kózdeýden Mysyrdyń Kaır qalasynda ótetin álem kýbogynyń kezeńine qatysatyn sportshylar attandy, dep habarlaıdy Egemen.kz Týrızm jáne sport mınıstrligine qarasty Sportty damytý dıreksııasynyń baspasóz qyzmetine silteme jasap.
24 qańtar men 1 aqpan aralyǵynda ótetin álem kýbogynyń kezeńine 66 elden 625 sportshy qatysady. Aıtýly dodaǵa elimizden 15 sportshy qosylady.
Konstantın Malınovskıı, Nıkıta Shahtorın, Iýrıı Iýrkov, Elızaveta Bezrýkova, Arına Altýhova, Aleksandra Le vıntovkamen, al Eldar Imanqulov, Valerıı Rahımjan, Kırıll Sýkanov, Irına Iýnýsmetova, Valerııa Popelova, Malıka Seıl, Nıkıta Chırıýkın, Rýslan Iýnýsmetov, Artemıı Kabakov tapanshamen kózdeýde synǵa túsedi.
Nysana kózdeýden Qazaqstan quramasy Parıj Olımpıadasynyń 5 lısenzııasyna ıe. Byltyrǵy jyly álem kýbogynyń 11 kezeńinen Qazaqstannyń mergenderi nysana kózdeýden 6 altyn, 7 kúmis, 5 qola júlde oljalaǵan edi.