18 qańtarda Astana qalasyndaǵy alǵashqy úshem №2 qalalyq kópsalaly aýrýhananyń akýsherlik blogynda dúnıege keldi, dep habarlaıdy Egemen.kz elorda ákimdiginiń resmı saıtyna silteme jasap.
Sábılerdiń anasy Ajar Qabıtova jubaıymen birge 2020 jyly dúnıege kelgen qyzdary men 2022 jyly týǵan egiz balalaryn tárbıelep otyr. Jas ana júktiliktiń 34-shi aptasynda bosandy, sábıleriniń bári - ul balalar. Balalardyń salmaǵy 3000 gramm, 2300 gramm jáne 2500 gramm bolyp týǵan.
Aıta ketsek, jańa týǵan náresteler bir aptaǵa jýyq ýaqyttan beri №2 qalalyq kópsalaly aýrýhanasynda jatyr.
Dárigerlerdiń aıtýynsha, balalardyń densaýlyǵy jaqsy, azdap salmaq qosyp jatyr. Udaıy dárigerlerdiń baqylaýynda. 24 qańtar kúni úılerine shyǵarylady.
Sábılerin dúnıege ákelýine kómekteskeni úshin Ajar óziniń Instagram akkaýntynda dárigerler men medısına qyzmetkerlerine alǵysyn bildirdi.
«Astana qalasyndaǵy №2 qalalyq kópsalaly aýrýhananyń medısınalyq personaly men akýsherlik blok dárigerlerine, atap aıtqanda, Ardana Aıdarbekqyzy men Venera Ýsaınqyzyna alǵysymdy bildiremin. Sizderdiń qamqorlyǵyńyz, jylýlyǵyńyz jáne kásibıligińiz meniń ómirimniń osy mańyzdy sátinde senimdilik pen qaýipsizdik atmosferasyn syılady. Jumystaryńyz úshin jáne jańa ómir bastaýǵa qosqan úlesterińiz úshin raqmet», dep jazdy ol.