Batys Qazaqstan oblysynyń Qaratóbe aýdanynda «Qaratóbe arlany» atty grepplıng sport klýby ashyldy.
Grepplıng sporty – sońǵy kezde óte qarqyndy damyp, jasóspirimderdiń qyzyǵýshylyǵyn oıatyp júrgen jekpe-jek túri. Álemde keń taraǵan bul saıys kúshti meılinshe únemdep, shapshań jeńiske jetýdiń tıimdi tásilin tabýymen erekshelenedi eken.
Jańa sport klýby Qaratóbe aýdandyq mádenıet, tilderdi damytý, dene shynyqtyrý jáne sport bóliminiń qoldaýymen ashyldy. Klýbtyń ashylý saltanatyna Oral qalasynan grepplıng oblystyq federasııasynyń tóraǵasy aǵa jattyqtyrýshy Almaz Ihsanov, osy kúresten álem chempıondary Azamat Meńǵaıyr men Armat Qabdolov arnaıy keldi. Olar jekpe-jektiń ádis-tásilderin kórsetip, sheberlik sabaǵyn ótkizdi.
– Biz bul úıirmeni jergilikti jastardyń suraýyna saı ashyp otyrmyz. Jastardyń sportqa degen yntasyn qoldaýymyz kerek. Epti, jigerli, tózimdi, qaıratty, er minezdi el qorǵany bolatyn jigitter osyndaı úıirmelerde quryshtaı shyńdalyp shyǵady, – deıdi aýdandyq mádenıet, tilderdi damytý, dene shynyqtyrý jáne sport bólimi basshysy Máýlen Salahaden.
Batys Qazaqstan oblysy