Kadrlardy daıarlaý jáne biliktiligin arttyrý júıesiniń tıimdiligin arttyrý úshin 2023-2024 oqý jylynan bastap mindetti rezıdentýramen jalpy oqý merzimi alty jyl úzdiksiz ıntegrasııalanǵan medısınalyq bilim berý baǵdarlamasy engizildi, ony aıaqtaǵannan keıin bitirýshi dáriger biliktiligin jáne medısına magıstri dárejesin alady, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.
Dárigerlerdiń qajettiligin qamtamasyz etý úshin, onyń ishinde jiti tapshy mamandyqtar boıynsha 2023 jyly respýblıkalyq bıýdjettiń esebinen 6 myńǵa jýyq bilim granty bólindi, onyń ishinde 2,7 myńy – bakalavrıat jáne ınternatýra, 2,5 myńy – rezıdentýra, 325 – magıstratýra; 160 – doktorantýra.
2023 jyly elimizdiń medısınalyq joǵary oqý oryndary 7 myńǵa jýyq dáriger oqytty, orta medısına qyzmetkerleriniń sany 23 myńnan asty. 3 myńnan astam densaýlyq saqtaý mamandaryn bólý boıynsha jumysqa ornalastyryldy.
Jergilikti bıýdjet qarajatynyń esebinen bıyl 16,5 myń dáriger, onyń ishinde shetelde 108 adam biliktiligin arttyrdy.
Dárigerlerdiń quzyretin arttyrý maqsatynda jalpy uzaqtyǵy 1 aıdan 3 aıǵa deıingi aýyldyq, qalalyq, oblystyq jáne respýblıkalyq densaýlyq saqtaý uıymdarynda rezıdent dárigerlerdi mindetti klınıkalyq daıarlaýdy engizý kózdelgen.
Bul rette túlekterdi áleýmettik qoldaý sheńberinde 601 mamanǵa kóterme járdemaqy bólindi, 384 jas dáriger turǵyn úımen qamtamasyz etildi, 74 maman ózge de qoldaý sharalaryn aldy.
Medısına salasynda 78 myńnan astam dáriger jáne 180 myńǵa jýyq orta medısınalyq býyn mamandary bar.