Endi elimizde jańa týǵan náresteler aty-jóninen buryn JSN alady. Bul týraly Májilistiń jalpy otyrysynda depýtat Ekaterına Smyshlıaeva aıtty, dep habarlaıdy Egemen.kz.
Depýtat Májiliste «Qazaqstan Respýblıkasynyń keıbir zańnamalyq aktilerine baılanys, sıfrlandyrý jáne aqparattandyrý salasynyń ınvestısııalyq ahýalyn arttyrý máseleleri boıynsha ózgerister men tolyqtyrýlar engizý týraly» zań jobasyn talqylady.
«Jańa týǵan balanyń jeke derekterin joǵaltý qaýpin boldyrmaý úshin bala týǵannan keıin birden, alǵashqy 20 mınýt ishinde jeke sáıkestendirý nómirlerin (JSN) berý usynylady. Osylaısha alaıaqtyq jáne adam urlaý sııaqty zańsyz áreketterdiń qaýpin azaıtý kózdelip otyr», dedi Smyshlıaeva.