Ǵalymdarǵa artylǵan senim

Bul jóninde Túrkistan qa­lasyna jumys saparymen ke­lip, Qoja Ahmet Iаsaýı atyn­daǵy halyqaralyq qa­zaq-tú­rik ýnıversıtetiniń ǵyly­mı áleýmetimen tanysqan Ult­tyq ǵylym akademııasynyń bas­shylyǵymen bolǵan kez­de­sýde aıtyldy. Atalǵan ýnı­­­versıtettiń belsendi, da­ryn­­dy ǵalymdaryn jobalarǵa tartý ju­mystaryn jalǵastyrý jos­parlanyp otyr. Osy oraı­da ýnıversıtet rektory Janar Temirbekova jáne rek­tor ókili Peıamı Bat­tal­men kezdesýde óńirdegi ǵy­ly­mı zertteý jumystary men ózekti máseleler jan-jaq­ty talqylanyp, eki tarap ǵy­­lymdy damytý boıyn­sha óz usy­nystaryn jetkiz­di. «Biz rýhanı astanaǵa Túr­kııa mem­leketimen yntymaq­tas­tyq­ty nyǵaıtý maqsatynda kelip otyrmyz. Jaqyn arada Túrkııadaǵy iri ǵylymı qor TÜBİTAK uıymyna qa­ras­ty ınstıtýttarǵa qazaq ǵalym­darynyń delegasııasy barady. Ondaǵy negizgi maqsat – Qa­zaqstan ǵylymynyń ba­sym baǵyty boıynsha Túr­kııa mem­leketindegi iri ǵy­ly­mı or­talyqtar men ýnı­ver­sıtet­ter arasyndaǵy ǵy­ly­mı ynty­maqtastyqty qu­rý, ǵalymdardy tanystyrý jáne birlesip jobalardy ótkizý. Osy másele boıyn­sha daıyndyq jumystaryn py­syqtap, qajet­ti ǵylymı ba­ǵyt­tardy anyq­taımyz. Sonyń negizinde baǵ­dar­lama men iri ǵylymı tujy­rymd­ama daıyndaımyz», dedi akademııa ókilderi.

Al ýnıversıtet rektory Ja­nar Temirbekova jańa jos­parlarmen bólisip, óńirdegi ǵylymdy damytýǵa oqý or­ny ǵalymdary belsendi túr­de atsalysatynyn aıtty. Ýnı­versıtet aýmaǵynda «Inno­va­sııalyq tehnologııalar ne­gizinde bıoresýrstardy kom­mer­sııalyq ıgerý arqyly Q.A.Iаsaýı atyndaǵy HQTÝ botanıkalyq baǵynyń qundy genofondyn saqtaý» atty kommersııalandyrý jobasy aıasynda arnaıy óndiristik seh qurylyp jatyr. Jemisterdi ǵylymı zertteýmen jáne óndi­ristik qaıta óńdeýmen aınalysatyn shaǵyn kásiporyn aldaǵy ýaqytta turǵyndardy sapaly ekologııalyq taza jemis­pen jáne keptirilgen jemis ónimderimen qamtamasyz etpek.

Sondaı-aq akademııa delegasııasy ýnıversıtettiń ǵalymdarymen dóńgelek ústel ótkizdi. Basqosý barysynda ýnıversıtettiń jetekshi jáne jas ǵalymdarynyń qatysýymen Túrkistan oblysy boıynsha ózekti máse­le­lerdi talqylaý, onyń she­shý joldaryn anyqtaý, ǵalym­dardyń ǵylymı zertteý ju­mys­tarynyń nátıjelerin kommersııalandyrý, óndiriske engizý máseleleri qaraldy. Jıynǵa qatysýshylar másele­lerdi jan-jaqty saralap, tıim­­di baǵyttar boıynsha bir­le­se jumys isteýge kelisti.

Jalpy óńirde joǵary oqý oryndarynda ǵana emes, mektep, kolledjderde de bilim sapasyn arttyrý oblys ákiminiń nazarynda ekenin eskergen jón. Bul oraıda 2024-2029 jyldarǵa arnalǵan bilim berý júıesin damytýdyń óńirlik jol kartasy qabyldanǵan. Mektepter men kolledjderde monıtorıng júrgizý qolǵa alynbaq. «Bi­lim salasyna bıznes retin­de qaraıtyn basshylar, qyz­met­kerler, áriptester bolsa, qazirden jumystan kete ber­sin. Biz qalaı bolǵanda da bilim sapasyn jaqsartýymyz kerek. О́ńirge arnaıy ındıkatorlar bekitilgen. Sizder bilim salasy boıynsha 2024 jyldyń sońynda respýblıkada ondyqtyń qataryna ený mejesin qoıyp, osy baǵytta naqty jospardy usynyńyzdar. Indıkator tolyq oryndalýǵa tıis», degen bolatyn bilim salasyndaǵy ózekti máseleler talqylanǵan májiliste oblys ákimi Darhan Satybaldy.

Oblystyq bilim basqarma­synyń málimetinshe, aýyldyq jerdegi bilim sapasyn kóterý maqsatynda 2024-2025 jyldary 10 pedagogıkalyq sheber­likti arttyrý ortalyǵy, 10 jetekshi mektep, taǵy 5 aýdanda «Mo­bıldi muǵalim» jobasy iske qosylady. Sonymen qatar Ja­ponııa elinde táji­rıbeden ótken ustazdar men ádiskerler arqyly Lesson study ádisin satylap engizý jáne «Aýyl mektebin sapaly basqarý» qanatqaqty jobasy iske asyrylyp jatyr. Kolledjderde bilim sapasyn kóterý jumystary qarqyndy. Granttar tolyq ıgerilgen. «Mamandyǵym – bolashaǵym» jobasy aıasynda 2024-2025 jyldary eńbek naryǵynyń suranysyna sáıkes 10 jańa mamandyq ashylady. Ol úshin óńirge qajetti jańa kásipterdiń atlasy qaıta jasaqtalady.

Túrkistan oblysy