Kedergisiz orta qurýdaǵy keleńsizdikter

Osylaısha, ótken jyly iske kirisken áleýmettik ınspektorlar barlyǵy 1 127 tekserý júrgizdi. Munyń 551-i – profılaktıkalyq baqylaý sheńberinde, 476-sy jos­pardan tys tekserýler boldy.

Máselen, Eńbek jáne áleý­mettik qorǵaý komıtetiniń Túr­­­kistan oblysy boıynsha depar­tamenti Shymkent qala­sy turǵyny, birinshi top múge­dektigi bar azamattyń ótinishi negizinde Túrkistan oblysy boıyn­sha sanıtarııalyq-epıde­mıologııalyq baqylaý depar­tamentine, «Ulttyq sarap­ta­ma jáne sertıfıkattaý orta­lyǵy» ShJQ RMK jáne «Bir­kólik» ońaltý saýyqtyrý kesheni» JShS-na jospardan tys tekserýler júrgizdi. Tek­serý nátıjeleri boıynsha laýazym­dy adamdarǵa anyqtalǵan buzý­shylyqtardy joıý týraly nu­s­qama berildi, sondaı-aq ákimshi­lik jaýapkershilik sharalary qabyldandy.

Eńbek jáne áleýmettik qor­ǵaý komıtetiniń Soltústik Qazaq­stan oblysy boıynsha departa­­men­ti Shal aqyn aýdanynyń bilim bólimine jáne Novopokrovka aýyldyq okrýgi ákiminiń apparatyna osy obektilerdiń qoljetimdiligi máselesi boıyn­sha jospardan tys tekserý júr­gizdi. Munda da ákimshilik jaýapkershilik sharalary qabyl­dandy.

Sondaı-aq óńirlerdegi áleý­mettik ınspektorlar múge­dek­tigi bar adamdardyń zańdy qu­qyqtaryn qamtamasyz etý úshin áleýmettik ınfraqurylym obek­­tileriniń beıimdelý is-sha­ra­­la­ryn júrgizýde oń ózgeris bar ekenin atap ótti.

«Aqmola oblysynda obek­tilerdiń qoljetimdiligi men ja­ramdylyǵyna turaqty negiz­de monıtorıng júrgiziledi. Jal­py, Kókshetaý qalasy boıynsha múgedektigi bar adamdar úshin ortanyń qoljetimdiligi jaqsaryp keledi. Nysan ıeleri halyqtyń osy sanaty aldyndaǵy áleýmettik jaýapkershilikti túsinedi. Má­selen, Áýelbekov kóshesi, 94 mekenjaıyndaǵy №1 qalalyq emhanaǵa barǵan kezde kireberis esikterdiń aýys­tyrylǵanyn, sanıtarlyq-tur­mystyq bólmeniń beıim­del­genin baıqaýǵa bolady. Mem­lekettik qyzmetterdiń barlyq túrin alýǵa bolatyn Kókshe­taý qalasynyń HQO-la­ry da ret­teldi. «Kókshetaý» jáne «Dostar» mádenıet úıle­rindegi qoljetimdilik kóńil­ge qýa­nysh uıalatady», dedi Aqmo­la ob­ly­synyń turǵyny, birinshi top­taǵy múgedek Ramazan Muqataev.

Sonymen qatar Kókshetaý qalasynyń turǵyny, birinshi toptaǵy múgedektigi bar Lılııa Harlamovanyń aıtýynsha, kóptegen nysanda qolaıly jaǵ­daı jasalyp jatyr. Mysaly, qaladaǵy memlekettik mekeme­lerde pandýstar, nashar kóre­tinderge taktıldi qural­dar orna­tylypty. Buǵan qosa «Krıs­­tall», «Soıýz», «Rıo», «Rý­bın», «Ortalyq bazar» saýda úılerinde kedergisiz orta qalyptasqan eken.

Jalpy, Eńbek jáne áleý­mettik qorǵaý komıtetiniń aýmaq­­tyq departamentteri 2023 jyly 1 783 tekserý júrgizip, anyq­tal­ǵan buzýshylyqtardy joıý týraly 1 171 uıǵarym berdi, 98,4 mln teńgeden asa somaǵa 467 aıyp­pul salyndy.