Shymkent qalasynda 35 jasqa deıingi jumys isteıtin 888 jas baspanaly boldy. Qazirgi ýaqytta azamattarmen arendalyq jaldaý shartyn jasasyp, qonystandyrý jumystary bastalǵan. Atalǵan páterler Turan shaǵyn aýdanynda ornalasqan, dep habarlaıdy Egemen.kz qala ákiminiń baspasóz qyzmetine silteme jasap.
«Konkýrstan ótken azamattarǵa arendalyq jaldaý sharty boıynsha 1414-ten habarlama joldanyp jatyr. Joldanǵan kelisimshartqa elektrondy qol qoıý arqyly páter kiltine qol jetkize alady», delingen habarlamada. Eske salaıyq, Shymkent qalasy boıynsha 2023 jyldyń 8-10 qarasha aralyǵynda 35 jasqa deıingi jumys isteıtin jastarǵa arnalǵan «Jastar» baǵdarlamasy boıynsha ótinim qabyldanǵan. Nátıjesinde, atalǵan baǵdarlamanyń talap sharttaryna sáıkes kelgen 888 azamattyń ótinimi maquldanǵan. «Jastar» baǵdarlamasy boıynsha turǵyn úıler satyp alý quqyǵynsyz 3 jyl merzimge jalǵa beriledi.