Ál-Farabı atyndaǵy Qazaq ulttyq ýnıversıteti ǵalymdarynyń Qytaıdyń Úrimji qalasyna eki kúndik jumys sapary bastaldy.
Ǵylym jáne joǵary bilim vıse-mınıstri Darhan Ahmed-Zakı jáne ál-Farabı atyndaǵy Qazaq ulttyq ýnıversıtetiniń basqarma tóraǵasy-rektor Janseıit Túımebaev bastaǵan delegasııa Qytaıǵa QHR Bilim vıse-mınıstriniń shaqyrtýymen bardy.
Sapar barysynda delegasııa músheleri Qazaqstan men Qytaı ýnıversıtetteriniń halyqaralyq ǵylymı sımpozıýmyna qatysyp, baıandama jasaıdy. Munymen qosa QazUÝ ǵalymdary tabysty ınnovasııalyq jobalaryn Qytaı JOO-laryna keńinen tanystyrý, sondaı-aq nátıjeli ǵylymı jobalardy kommersııalandyrý, óndiriske engizý boıynsha seriktester tartý, tájirıbe almasý maqsatynda ǵylymı kórme ótkizbekshi. Kórme alańynda eń úzdik 30 ǵylymı-ınnovasııalyq joba kórsetiledi dep josparlanyp otyr.
QazUÝ delegasııasy Úrimji qalasynda ornalasqan joǵary oqý oryndaryna baryp, ýnıversıtet basshylarymen birqatar kezdesýler ótkizýdi de josparlap otyr. Júzdesýde taraptar seriktestikti arttyrý jáne ortaq jobalardy birlesip júzege asyrý jumystaryn pysyqtaıdy. Buǵan qosa Ál-Farabı atyndaǵy QazUÝ Qytaıdyń joǵary oqý oryndarymen jáne ınstıtýttarymen yntymaqtastyq jóninde kelisimderge qol qoıyp qaıtpaqshy.