Erteń Portýgalııanyń Odıvelash qalasynda dzıýdodan gran-prı dodasy bastalady. Parıj Olımpıadasynyń lısenzııasy úshin reıtıngtik upaı beriletin dodaǵa tańdaýly sportshylar qatysady, dep jazady Egemen.kz. Qazaqstan dzıýdo federasııasyna silteme jasap.
Osy jyldyń túńligin túrer alǵashqy Gran-prı saıysyna erler quramasy ár salmaqta eki balýannan qosylady.
60 kg: Erjan Erenǵaıypov, Dáýren Súıýkenov,
66 kg: Janarys Rahmetqalı, Nursultan Zaızaǵalıev,
73 kg: Jansaı Smaǵulov, Darhan Qoıbaǵar,
81 kg: Aıbol Nysanáli, Mádı Amangeldi,
90 kg: Aıdar Arapov, Qudiret Dosymov,
100 kg: Islam Bozbaev, Ádilet Saparǵalıev beldesýge túsedi.
Áıelder arasyndaǵy básekede álem chempıonatynyń qola júldegeri, Gran-prı dodasynyń chempıony Ábıba Ábýjaqynova men Ǵalııa Tynbaeva 48 keli salmaqta synǵa túsedi.
57 kg: Baqyt Qussaqbaeva,
63 kg: Esmıgúl Kýıýlova,
78 kg: Arýna Jangeldına,
+78 kg: Kamıla Berliqash kúresedi.
О́tken jyly da qańtar aıynyń sońynda dzıýdodan Gran-prı dodasy osy Partýgalııa jerinde ótip, Ábıbá Ábýjaqynova chempıon atansa, Jansaı Smaǵulov pen Ǵalııa Tynbaeva kúmis medalmen oralǵan edi.