Qyzylorda qalasyndaǵy «Qorqyt» saýda úıindegi aıaq kıim dúkeni jarııalaǵan aksııanyń sońy aıǵaı-shýǵa ulasty. Kez kelgen krossovka myń teńgege satylǵan aksııada jınalǵandar kıimge talasyp, saýda ornyndaǵy esik-tereze qıraǵan.
Jeńildik úshin kelgenderdiń qatarynda qarttar, eresekter men balalar da bolypty. Aksııa jarııalaǵan dúken ıesi saýdany shuǵyl toqtatýǵa májbúr bolypty.
«Qorqyt» saýda ortalyǵynyń basshylyǵy dúkendi ýaqytsha jabý týraly sheshim qabyldaǵan. Áleýmettik jelide jarııalanǵan bul vıdeoǵa qatysty pikir bildirgender sát saıyn kóbeıip barady.