Mańǵystaý oblysynyń prokýratýrasy 2023 jylǵa arnalǵan jumys qorytyndysyn baıandady, dep habarlaıdy Egemen.kz aqparat agenttigi.
Onda ekonomıkalyq múddelerdi qorǵaý salasynda qadaǵalaý aktileri boıynsha memleket kirisine 1,7 mıllıard teńge óndirilgeni jazylǵan.
Sondaı-aq memleketke 9 mıllıard teńgeniń múlki, negizinen olıgopolııa sýbektilerine tıesili múlik qaıtaryldy.
- Biz 80 myń gektar aýmaqty quraıtyn 115 jer ýchaskesin, onyń ishinde olıgopolııa sýbektilerine tıesili Kaspıı teńiziniń boıyndaǵy "altyn ýchaskelerdi" qaıtardyq. 32 zańsyz nysan buzyldy, 35 qurylys salýshy aıyppulmen ákimshilik jaýapkershilikke tartyldy.
Al 5 qurylys salýshy qurylys-montaj jumystaryn júrgizýge lısenzııasynan aıyryldy. Atalǵan qurylys salýshylardyń 17 ınjınırıngtik qyzmetine 6 aıǵa qyzmetin toqtatyp, shara qoldanyldy, - delingen habarlamada.
500 mıllıon teńgeden astam bıýdjet qarajatyn urlaý faktileri anyqtalyp, 5 sotqa deıingi tergep-tekserý barysynda túpkilikti prosessýaldyq sheshimder qabyldanyp, tulǵalar kináli dep tanylyp, sot úkimderi shyǵaryldy.
Jergilikti atqarýshy jáne ýákiletti organdarmen birlese otyryp, jalpy somasy 100 mıllıard teńgege 7 ınvestordyń máselesi oń sheshimin tapty.