Ulttyq operanyń jetistigi

«Meniń Majarstan mem­lekettik opera teatryn­daǵy debıýtim Ferens Lısttiń akademııasynda magıs­tratýrada oqyp júrgen kezimde A.Pon­kellıdiń «Djakonda» opera­syndaǵy Bar­na­ba rólinen bas­talǵan bolatyn. Odan keıin J.Bızeniń «Karmen» operasynda Eskamılony somdadym. Al 2021 jyly Eva Mar­ton­nyń halyqaralyq vokalıster baı­qaýynyń laýreaty, II syılyq ıegeri atanǵanymda qaıtadan teatrǵa shaqyrtý aldym. Ma­ǵan Dj.Pýchchınıdiń «Bogema» ­ope­rasynda Shonardyń rólin oryndaý baqyty buıyrdy. «Bogema» opera­sy – óziniń gar­monııasymen tańǵaldyratyn mýzyka. Taǵdyrǵa senip, bir kúndik alań­syz ómir súretin keıipkerlerdiń oınaqy, je­ńil leıtmotıvteri. Mun­da basty solıst degen joq, qo­ıy­lym­nyń ereksheligi – top­tyq ju­mysta ju­myl­ǵan ju­dyryqtaı ansamblge aınala alýynda. Operada turaq­ty­ qalyp joq, bul qoıylym meni toq­taýsyz áreketterdiń birinen soń biri jalǵasyp otyrýymen qyzyq­tyr­dy. Qa­zirge deıin Majar­stan mem­lekettik opera teat­ryn­­da 15-ten­­ asa spektaklde án aıtyp úl­ger­­dim», dep aǵynan jaryl­dy­ Azat.

О́tken jyldyń sońy men 2024 jyl­­dyń basynda «Astana opera»­ solısi Eýropanyń eń tanymal sah­na­larynyń birinde súıikti par­tııa­syn­da qaıtadan shyqty. Ánshi atap ótkendeı, majarstandyq kórer­men­der operany jáne onyń ishinde «Bogemany» qatty jaqsy kóredi eken, son­dyqtan spektaklge bıletter kórsetilimnen biraz ýaqyt buryn satylyp ketken.

«Bogema» – álemdegi eń ta­ny­mal opera, sondyqtan Ma­jarstan teatrynyń zaly árdaıym kórer­men­ge lyq toly. Qoıylym bolatyny týraly habarlama ótken kóktemde shyqqan edi, al jeltoqsan–qańtar aılaryna bıletter jazda túgeldeı satylyp ketti. Jalpy, majarstandyq árip­tes­terimniń bizdiń teatrǵa jáne Qazaqstan mádenıetine degen qyzy­ǵý­shylyǵy erekshe. Men olarǵa Astana jáne elimiz týraly qýana áńgimelep, beınematerıaldardy kórsettim. Birazy osynda kelýge daıyndalyp jatyr», deıdi ánshi.

Mádenıet jáne aqpa­rat­­ mı­nıstr­liginiń qol­daýy­men­ qu­ryl­ǵan­ «Astana opera» halyq­ara­lyq opera aka­­de­mııa­sy­nyń túlekteri álem­dik arenada sura­nys­qa ıe, olar turaqty túr­de she­telde zor jetistikpen óner kór­setip, ulttyq ónerimizdi she­­telde dáriptep júr. Sonyń biri – kári qurlyqty keremet óne­rimen mo­ıyn­datyp júrgen osy Azat. Ánshi ­26 qań­tar kúni Fran­sııa­nyń Bel­for qalasynda gas­trol­dik sapary aıasynda «Astana ope­ranyń» jetekshi solısi, Qa­zaq­stannyń eńbek sińirgen qaıratkeri Bıbi­gúl Januzaq­pen birge án salady. Fransýz jurtshyly­ǵyna daıyn­dal­ǵan konsert baǵ­dar­la­ma­sy­na Dj.Pýchchını, F.Legar, E.Korn­gold, Ý.Djor­dano­nyń, son­daı-aq otandyq kom­po­zıtor­lar­dyń týyndylary endi. Eýro­­pa­­ kórermeni Mu­qan Tó­lebaev («Baqyt valsi»), Serik Erkimbekov («Jer as­pan», «Darqan dala») syn­dy maıtalman avtor­lar­dyń shy­­ǵarmashylyǵymen qatar, Ǵazıza Jubanovanyń óńde­ýin­degi «Aqqýraı», «Alqońyr» tá­riz­d­i halyq mýzyka ónerimen de tany­sa alady.