IT-qyzmetter 85 elge eksporttaldy

Qazaqstandy Ortalyq Eýra­zııa­nyń jetekshi sıfrlyq orta­lyǵyna aınaldyrý úshin Memleket basshysy Qasym-Jomart Toqaev 2026 jylǵa qaraı IT-eksport kólemin 1 mlrd dollarǵa deıin ulǵaıtý, 100 myń bilikti IT-ma­man daıarlaý jáne «Astana Hub» táji­rıbesin elimizdiń óńirlerine engizý mindetin júktegeni belgili.

– Byltyr mınıstr Baǵdat Mý­sınmen jáne seriktesterdiń qoldaýymen KPI kórsetkishi­niń barlyǵyn sátti oryndadyq. Biz­diń qatysýshylar 2022 jylmen sa­lys­tyrǵanda IT-qyzmetter ekspor­tyn 84,3 paıyzǵa arttyryp, 85 eldi qamtydy. Sonyń ishinde AQSh, Reseı, Meksıka, Kıpr, Sınga­pýr jáne Ulybrıtanııa aldyń­ǵy qatarda tur, – deıdi «Astana Hub» bas dırektory Maǵjan Mádıev.

– Startaptardyń eks­port­tyq áleýeti akselerasııa baǵ­dar­­lamalarynyń, sonyń ishin­­de Google for Startups jáne Draper Startup House sııaqty álem­­dik kóshbasshylarmen sátti yn­ty­maqtastyqtyń, sondaı-aq Kremnıı alqabynda Ortalyq Eýrazııa IT-startaptar platformasy Silkroad Innovation Hub iske qosylýy­nyń nátıjesinde aıtarlyqtaı art­­ty. Elimizdiń 14 óńirinde aımaq­­tyq IT-habtar ashyldy, bıyl taǵy 7-in ashý jos­parda bar. Astana­hub.com sıfr­lyq plat­for­masy negizinde elimiz­diń ın­no­vasııa­lyq ekojúıesi­niń bar­lyq qatysýshysy úshin «Ulttyq ınno­va­sııalyq júıe» bir­yńǵaı tere­zesi qanatqaqty joba­sy iske qosyl­dy, – deıdi ol.

Eske sala keteıik, astanahub.com platformasynda «Ulttyq ınnovasııalyq júıeni» iske qosý týraly sheshimdi 2023 jyldyń jeltoqsanynda Premer-mınıstr Álıhan Smaıylovtyń tór­aǵa­lyǵymen Tehnologııalyq saıasat keńesi qabyldaǵan bolatyn.

О́tken jyly Astana Hub Or­ta­lyq Azııadaǵy Draper Startup House-tyń alǵashqy seriktesi bol­­­­dy. Bul yntymaqtastyq star­tap­tar úshin biregeı múmkindik tý­dyr­dy: 27 startap Dúnıe­júzi­lik banktiń qoldaýymen Dreı­­per ýnıversıtetimen seriktes­tik­­­­te Kremnıı alqabynda júze­­ge asy­­rylatyn Hero Training eks­k­lıý­zıvti akselerator baǵ­dar­­lamasyna qatysty. Baǵdar­la­­­ma­ǵa qatysýshylardyń biri CITIX Tım Dreıperden 1 mln dol­­lar kó­­lemindegi ınvestısııa tart­­ty. Bul Astana Hub jáne Draper Star­tup House ara­syn­da­ǵy Ortalyq Eýra­zııa ınno­va­­sııa­­lyq jobala­ryn qoldaý­da­ǵy yntymaqtastyq­tyń tabysty­­ly­ǵyn rastady.

Techpreneurs, Startup Garage, Scalerator, Global Outsourcer akselerasııa jáne ınkýbasııa­lyq baǵdarlama túlekteri 455 mln teńgege satylym jasady. Silkway Accelerator qatysýshylary jalpy somasy 26 mln dollar ınvestısııa tartyp, kompanııalardyń jalpy kapıtaldandyrýy 400 mln dollardan asty. Eń tanymal startap-jarys Astana Hub Battle júlde qory demeýshiler men seriktes­ter nátıjesinde 125 myń dollarǵa deıin ósti. Sonymen qatar Seed money baǵdarlamasynyń úshin­shi legi bastaldy: Astana Hub-tan qarjylandyrýǵa tańdalǵan 11 startapqa 10 mln teńgege deıin qarjy quıylady.

Qyrkúıek aıynda AQSh-ta (San-Fransısko, Kalıfornııa) ótken eń iri halyqaralyq Tech­Crunch Disrupt 2023 konfe­ren­­sııa­synda Ortalyq Eýrazııa­­nyń ­14 startapy tanystyryldy. Olar­­­­dyń kópshiligi Astana Hub akse­­lera­sııa baǵdarlamalary­nyń túlek­­­teri ekenin atap ótken jón. Ári qa­zir­­gi ýaqytta álem­dik naryqta joba­laryn sátti damytyp jatyr.

2023 jyly Túrikmenstan, Tájik­stan, Reseı, Armenııa, Ýk­raına, Qyrǵyzstan elderine bi­lim berý baǵdarlamalaryn eks­porttaý úrdisi bastaldy. Sıfr­­lyq damý mınıstrliginiń bas­tamasymen Astana Hub bazasyn­da júzege asyrylyp jatqan Tech Orda baǵdarlamasy aıasyn­da 3 183 azamat jetekshi IT-mek­tep­terde oqýǵa grant aldy. Swift ázir­leýdi úıretý úshin Astana Hub bazasynda Apple Training Center ashý týraly kelisimge qol qoıyldy. Tehnoparkte 2 myńnan astam oqýshylar men stýdentter qarqyndy jáne bilim berý kýrstarynan ótti. Son­daı-aq Prezı­dent janyndaǵy Áıel­der isteri jáne otbasylyq-demografııa­lyq saıasat jónin­degi ulttyq ko­mıssııanyń qol­daýymen iske qosylǵan IT-Aiel baǵdarlamasy arqyly 2 myń ju­myssyz áıel tegin oqý múm­kin­digine ıe boldy.

30 myńnan astam adam, so­nyń ishinde 30 elden delegasııa qa­tys­qan Digital Bridge-2023 halyq­aralyq IT forýmy Or­talyq Eýra­zııadaǵy eń iri fo­rýmǵa aınaldy. Onyń ala­ńyn­da 55 paneldik ses­sııa, dóń­ge­lek ústelder jáne bir­qatar keynote ótip, 450-den astam startap pen IT-kompanııa, 450 spıker jáne 100-den astam ınvestor men bıznes-perishte bas qosty. Dástúrli túrde ashylý ple­narlyq otyrys formatyn­da el Prezıdenti Qasym-Jomart Toqaev, venchýrlyq ınvestor, Draper Fisher Jurvetson teń qu­ryl­­­taıshysy Tım Dreıper, TikTok bas dırektory Shoý Chý, Starlink kompanııasynyń SpaceX vıse-prezıdenti Loren Dreıer jáne basqa da álemdik kósh­bas­shy­lar­dyń qatysýymen ótti. Sondaı-aq Eýropa, Qytaı, Ońtústik-Shyǵys Azııa jáne Afrı­kadan 15 tehnologııa kósh­bas­shysynyń ba­syn qosqan Google for Startups serik­tester sammıti ótti.

– 2023 jyly Astana Hub 446 is-shara uıymdastyrdy, oǵan 20 myńǵa jýyq adam qatysty. Sondaı-aq seriktestermen bir­ge 300-den astam startapty qam­tyǵan úsh hakaton jáne alty skaý­tıng ótkizildi, onyń ishinde 23-i qanatqaqty jáne kompanııa­­da engizý úshin tańdaldy. GameDev ortalyǵy Playrix, Mytona jáne G5 Games-pen birge 40-tan astam konferensııa, leksııa. Kezdesý uıymdastyrdy. Astana Hub qyz­meti IT-bıznes úshin ekojúıeni qurýǵa jáne damytýǵa, IT mamandaryn daıarlap, startap joba­lardy qoldaýǵa baǵyttalǵan. Bú­­gin­gi tańda tehnoparkte 1388 IT-kompanııa tirkelgen, onyń ishin­de 389-ynda sheteldikterdiń qa­tysýy bar. Olarǵa bıznesti damytý jáne masshtabtaý baǵ­darlamalary, arnaıy salyq­tyq jáne vızalyq shart­tar, aqpa­­rat­tyq-bilim berý, ma­terıaldyq ınfraqurylym jáne taǵy basqa qoldaý kórsetiledi, – dedi Maǵjan Mádıev.