Jaqynda Balqash qalasyna jańa avtobýstar barady. Endi qala turǵyndary men qonaqtary tozyǵy jetken qoǵamdyq kóliktermen qatynamaıdy.
О́ndiris órkendegen shaǵyn shaharǵa jańa 29 avtobýs keledi. Jaǵymdy jańalyqty «OrtalyqTransServıs» JShS bas dırektory Rýstam Isaev jetkizdi.
– Qala turǵyndary úshin óte qolaıly avtobýstar qatynaıdy. Syıymdylyǵy úlken avtobýstar Balqashtyń klımatyna sáıkes keledi. Otandyq ónim. Bizdiń talabymyzǵa sáıkes avtobýsty meılinshe jolaýshylarǵa yńǵaıly etip jasaǵan. Zamanaýı úlgidegi uzyndyǵy 10,5 metr bolatyn ishi keń avtobýstar. Sonymen qatar qysta avtobýs ishin jylytý úshin peshter sany kóbeıtilgen. Balaly jolaýshylar men múmkindigi shekteýli jandarǵa arnaıy oryndar bar. Jazǵy qapyryqta ystyqty basatyn kondısıoneri de qoıylǵan. Arnaıy beınekameramen de jabdyqtalǵan, – deıdi R.Isaev.
Búginde qalaishilik jolaýshylardy tasymaldaýda 25 avtobýs jumys istep keledi. Osy aıdyń sońyna deıin jańa qoǵamdyq kólikter shaharǵa jetedi dep josparlanyp otyr. Osylaısha, balqashtyqtar endi eski avtobýstarmen qosh aıtysady.
Qaraǵandy oblysy,
Balqash qalasy