EAEO-da «sur» sertıfıkattarmen birlesken kúres

EAEO keńistiginde «sur» sertı­fı­kattar máselesi ótkir tur. Sáı­kes­tikti rastaý qujattary kóbi­nese rásimderdi buzýmen nemese synaq­­syz beriledi. Saldarynan kon­trafaktilik ónimder kóbeıip, adam densaýlyǵyna teris áserin tıgizedi. 2022 jyly Qazaqstanda basqa elderde berilgen 200, al 2023 jyly 300 «sur» sertıfıkat joıyldy.

Qalyptasqan jaǵdaıdyń aýqymy men qaýpin eskere oty­ryp, EAEO-ǵa múshe elder bir­lesken júıeli sharalar qabyldaý qajettigi jóninde kelisti. Tal­qylaý qorytyndysy boıynsha EEK Keńesi Komıssııa qaraýyna 2023 jyly kúshi toqtatylǵan Eýrazııalyq ekonomıkalyq odaq aýmaǵynda berilgen sertıfıkattar týraly aqparat jiberýdi tapsyrdy. Aqparatty taldap, usynystar ázirleý úshin joǵary deńgeıdegi jumys toby qurylady. Usynystar EEK Keńesiniń bıyl mamyrda ótetin otyrysynda usynylýǵa tıis.

2024 jyldyń sońyna deıin Qazaqstan úshin 300 myń tonna kóleminde shıki qamys qantyna tarıftik jeńildiktiń qoldanylý merzimin uzartý máselesin qyrǵyz tarapy qoldamady. Bul rette EAEO qanttyń negizgi óndirýshileri (RF jáne Belarýs) qazaqstandyq sura­nysty qoldady. Bul másele aqpan aıy­nyń basynda EAEO elderiniń úkimet basshylary deńgeıinde qaralady.

EEK Keńesiniń qańtardaǵy otyrysynda qabyldanǵan sheshim­derdiń qatarynda navıga­sııalyq plombadaǵy aqparatty qorǵaýdyń biryńǵaı sharalaryn Eýrazııalyq ekonomıkalyq odaq sheńberinde qoldaný boıynsha is-sharalar jos­paryn bekitý boldy. Qujatqa yqtımal aqparat qaýipsizdigin buzýshydan keletin qaterleri men onyń is-áreketteriniń jalpy modelin ázirleýdi, aqparatty krıp­tografııalyq qorǵaý salasyndaǵy algorıtmderdi anyqtaýdy, aqpa­ratty qorǵaý úshin tehnıkalyq sheshimderdi ázirleý syndy máse­leler qamtylǵan 2027 jylǵa deıingi qadamdar kesheni kiredi.

EAEO-da tasymaldardy baqy­laý úshin navı­gasııalyq bi­te­melerdi (plomba) qoldaný týra­ly kelisim byltyr kúshine endi. Biteme avtomobıl jáne temir­jol kóligimen taýarlardy ta­sy­maldaýdyń tutastyǵyn baqy­laý­dy qamtamasyz etedi. Bul mehanızm – Eýrazııalyq ekono­mıka­­lyq odaqtaǵy kedendik tranzıttiń biryńǵaı júıesiniń elementteriniń biri.

Buǵan qosa, EEK Keńesi tehnı­kalyq jáne kedendik retteý, aq­parattyq ózara is-qımyl sala­laryndaǵy ıntegrasııalyq úderis­terdi damytýǵa baǵyttalǵan birqatar basqa da sheshim qabyldady.